ఆదిపురుష్ కోసం సన్నగా మారిపోతున్న ప్రభాస్

రెబెల్ స్టార్ ప్రభాస్ ప్రస్తుతం రాధే శ్యామ్ సినిమా షూటింగ్ లో పాల్గొంటున్న విషయం తెల్సిందే. ఈ సినిమా షూటింగ్ ప్రస్తుతం చివరి దశకు చేరుకుంది. ఇటీవలే ఇటలీ షెడ్యూల్ ముగించుకున్న రాధే శ్యామ్ టీమ్ ఇప్పుడు హైదరాబాద్ లో షూటింగ్ చేస్తున్నారు. ఈ చిత్రం తర్వాత ప్రభాస్ ఆదిపురుష్ సినిమా షూటింగ్ ను మొదలుపెట్టనున్నట్లు ఇప్పటికే వార్తలు వస్తున్నాయి.

రామాయణం ఇతిహాసం నేపథ్యంలో రూపొందుతున్న ఈ చిత్రాన్ని ఓం రౌత్ తెరకెక్కిస్తున్నాడు. సైఫ్ అలీ ఖాన్ ఈ సినిమాలో విలన్ పాత్రను పోషించనున్నాడు. ఆగస్ట్ 11, 2022న ఆదిపురుష్ విడుదల కానుంది.

ఇక తాజా సమాచారం ప్రకారం ఈ సినిమా కోసం ప్రభాస్ సరికొత్త లుక్ లో కనిపించనున్నాడట. ఇందుకోసం ప్రభాస్ పూర్తిగా సన్నబడతాడని తెలుస్తోంది. ఇప్పటికే ఈ ప్రాసెస్ మొదలైంది. ప్రభాస్ కోసం ట్రైనర్, న్యూట్రిషనిస్ట్ లతో కూడిన టీమ్ ప్రభాస్ న్యూ లుక్ కోసం శ్రమిస్తున్నారు.

మరోవైపు ప్రభాస్ అభిమానులు ఇప్పటికే ప్రభాస్ కొత్త లుక్ అంటూ కొన్ని ఇమేజెస్ ను పోస్ట్ చేస్తున్నారు. ఇవి నిమిషాల్లో వైరల్ అవుతున్నాయి. ప్రభాస్ నాగ్ అశ్విన్ దర్శకత్వంలో సైన్స్ ఫిక్షన్ చిత్రాన్ని కూడా చేయనున్న విషయం తెల్సిందే.