మహేష్‌ తర్వాత స్థానంలో నిలిచిన ప్రభాస్‌

రెబల్‌ స్టార్‌ ప్రభాస్‌ బాహుబలి సినిమాతో పాన్ ఇండియా స్టార్‌ గా మారిపోయాడు. సాహో సినిమా బాలీవుడ్‌ లో ఏ రేంజ్‌ లో ఆడిందో ప్రత్యేకంగా చెప్పనక్కర్లేదు. అద్బుతమైన కథ మరియు కథనాలతో పాటు పాన్ ఇండియా రేంజ్ సినిమాల్లో నటిస్తున్న ప్రభాస్ సినిమా లు ఉత్తరాధిన భారీ విజయాన్ని సొంతం చేసుకున్నాయి. అందుకే ఈమద్య కాలంలో ప్రభాస్ రేంజ్ అమాంతం పెరిగింది. సోషల్‌ మీడియాలో ఈయన హడావుడి మామూలుగా లేదు. వరుసగా సినిమాలు చేస్తూ ఉండటంతో ఇన్ స్టాగ్రామ్‌ ఫాలోవర్స్‌ సంఖ్య విపరీతంగా పెరుగుతోంది.

ప్రభాస్ సోషల్‌ మీడియాలో చాలా తక్కువగా ఉంటాడు. అయినా కూడా ఆయన ఇన్‌ స్టాగ్రామ్‌ ఫాలోవర్స్‌ సంఖ్య భారీగా ఉంది. తాజాగా ఈయన 6 మిలియన్‌ ల మందిని క్రాస్‌ అయ్యాడు. టాలీవుడ్‌ హీరోల్లో అత్యధికంగా విజయ్‌ దేవరకొండకు ఫాలోవర్స్ ఉన్నారు. 10.4 మిలియన్‌ ల ఫాలోవర్స్ ను రౌడీ స్టార్స్‌ కలిగి ఉన్నాడు. ఇక అల్లు అర్జున్‌ 10.2 మిలియన్స్‌ ఫాలోవర్స్‌ తో నెం.2 లో ఉన్నాడు. మహేష్‌ బాబు 6.5 మిలియన్స్ ఫాలోవర్స్ తో తదుపరి స్థానంలో ఉన్నాడు. ఆ తర్వాత ఇప్పుడు ప్రభాస్‌ ఉన్నాడు. ప్రభాస్ తర్వాత స్థానంను రామ్‌ చరణ్‌ దక్కించుకున్నాడు.