ఈ సినిమాను హిందీ ప్రేక్షకుల ముందుకు తీసుకు వెళ్లేందుకు గాను జక్కన్న అమీర్ ఖాన్ సాయంను తీసుకునే అవకాశాలు కనిపిస్తున్నాయి. సినీ వర్గాల నుండి అందుతున్న సమాచారం ప్రకారం సినిమాలో రామ రాజు మరియు కొమురం భీమ్ పాత్రలను అమీర్ఖాన్ పరిచయం చేశాడట. హిందీలో అమీర్ ఖాన్ వాయిస్ ఓవర్ తో సినిమా ప్రారంభం అవుతుందని అంటున్నారు. ఇక తెలుగు మరియు ఇతర సౌత్ భాషల్లో ఎన్టీఆర్ మరియు చరణ్ లు వాయిస్ ఓవర్ ఇవ్వబోతున్నట్లుగా చెబుతున్నారు.
కొమురం భీమ్ పాత్రకు రామ్ చరణ్, రామరాజు పాత్రకు ఎన్టీఆర్ తో వాయిస్ ఓవర్ ఇప్పించనున్నాడు. హిందీ స్టార్స్ ఆలియా భట్ మరియు అజయ్ దేవగన్ లు ఈ సినిమాలో నటించిన కారణంగా ఇప్పటికే సినిమాపై ఉత్తరాది అభిమానులు అంచనాలు భారీగా పెట్టుకున్నారు. ఆ అంచనాలను మరింతగా పెంచేలా దర్శకుడు అమీర్ ఖాన్ ను రంగంలోకి దించుతున్నాడు.