తెలుగు దర్శకుల్లో తనకు సుకుమార్‌ అంటే చాలా ఇష్టమని చెప్పుకొచ్చాడు. సుకుమార్‌ ఈమద్య కాలంలో తీసిన సినిమాలతో ఆయనకు అభిమాని అయ్యాను అన్నాడు. ఆయన సీన్స్‌లో డీటైల్స్‌ అద్బుతంగా ఉంటాయి. ప్రతి చిన్న విషయాన్ని కూడా ఆయన వదిలి పెట్టకుండా జాగ్రత్తలు తీసుకుంటాడని రాజమౌళి చెప్పుకొచ్చాడు. తాజాగా ఒక మీడియా సంస్థకు ఇచ్చిన ఇంటర్వ్యూలో ఈ విషయాలను చెప్పుకొచ్చాడు.
గతంలో కూడా సుకుమార్‌ సినిమాలు చాలా బాగుంటాయని.. అయితే మాస్‌ ఎలిమెంట్స్‌ ఆయన సినిమాలో ఉంటే నా సినిమాలను మించి ఆడుతాయని అన్నాడు. ఇప్పుడు తన ఫేవరెట్‌ డైరెక్టర్‌ అంటూ సుకుమార్‌ను చెప్పి ఆయన స్థాయిని మరింతగా పెంచేశాడు. ప్రస్తుతం సుకుమార్‌ తెరకెక్కిస్తున్న పుష్ప చిత్రం కోసం ఎదురు చూస్తున్నట్లుగా రాజమౌళి చెప్పుకొచ్చాడు.