ఆయన నమ్మకాన్ని నూటికి నూరు శాతం శివగామి పాత్రలో లీనమై నటించి రూజువు చేసింది రమ్యకృష్ణ. `సంకీర్తన`తో మొదలైన ఆమె విజయాల ప్రస్థానం ఇన్నేళ్లయినా అప్రతిహతంగా కొనసాగుతూనే వుంది. ప్రియురాలిగా.. ప్రతినాయకురాలిగా.. భార్యగా.. తల్లిగా.. భక్తురాలిగా.. అమ్మోరుగా ఇలా విభిన్నమైన పాత్రల్లో తనదైన మార్కు నటనని ప్రదర్శించి నటిగా మంచి గుర్తింపుని సొంతం చేసుకుంది.
వెండితెర శివగామిగా తన కీర్తిని విశ్వవ్యాప్తం చేసుకున్న రమ్యకృష్ణ తన 51వ పుట్టిన రోజు వేడుకల్ని ఇటీవల అంగరంగ వైభవంగా జరుపుకున్నారు. కుటుంబ సభ్యులు స్నేహితుల సమక్షంలో రమ్య తన పుట్టిన రోజు వేడుకల్ని జరుపుకున్నారు. ఈ వేడుకల్లో రాధిక- లిజీ- ఖుష్బూ -మధుబాల- త్రిష- రెజీనాలతో పాటు మరి కొంత మంది నటీనటులు హాజరయ్యారు. రమ్యకృష్ణ ప్రస్తుతం తెలుగులో సాయిధరమ్తేజ్తో `రిపబ్లిక్`.. కింగ్ నాగార్జునతో `బంగార్రాజు`… విజయ్ దేవరకొండతో `లైగర్` చిత్రాలతో పాటు భర్త కృష్ణవంశీ రూపొందిస్తున్న `రంగ మార్తాండ`లోనూ నటిస్తున్నారు.