టాలీవుడ్ లో గోపీచంద్, రాశి ఖన్నా ప్రధాన పాత్రల్లో పక్కా కమర్షియల్ చిత్రీకరణ జరుగుతోంది. మారుతి ఈ చిత్రాన్ని తెరకెక్కిస్తున్నాడు. అలాగే నాగ చైతన్య హీరోగా విక్రమ్ కె కుమార్ దర్శకత్వంలో తెరకెక్కుతోన్న థాంక్యూ చిత్రంలో కూడా రాశినే హీరోయిన్.
ఇవి కాకుండా ఓటిటి ప్లాట్ ఫామ్ నుండి కూడా అవకాశాలు అందుకుంటోంది ఈ భామ. అజయ్ దేవగన్ ప్రధాన పాత్రలో రూపొందుతోన్న వెబ్ ఫిల్మ్ రుద్రా ది ఎడ్జ్ ఆఫ్ డార్క్ నెస్ లో రాశి ఖన్నా ప్రధాన పాత్రను పోషిస్తోంది. ఈ వెబ్ ఫిల్మ్ లో ఆమెది సైకో/హంతకురాలి పాత్ర అని తెలుస్తోంది. అజయ్ దేవగన్ పోలీస్ ఆఫీసర్ గా కనిపిస్తాడట.