ప్రస్తుతం బాలయ్య తో గోపీచంద్ మలినేని సినిమాను చేస్తున్న విషయం తెల్సిందే. ఆ సినిమా కనుక సరిగా రాకుంటే దబిడి దిబిడే అన్నట్లుగా బాలయ్య ఫన్నీ కామెంట్స్ చేస్తూ సరదాగా గోపీచంద్ ను హెచ్చరించడం మొదలుకుని రవితేజను ఎందుకు కలవడం నన్ను రెగ్యులర్ గా కలువు మనం మంచి సినిమా చేద్దాం అన్నట్లుగా బాలయ్య అన్నాడు. గోపీచంద్ మాట్లాడుతూ సినిమా చేసినా చేయకున్నా కూడా రెగ్యులర్ గా రవితేజ తో తాను కలుస్తాను అన్నాడు. ఈ షో కు రావడానికి రెండు రోజుల ముందు కూడా మేము ఇద్దరం కలిశాం. అనేక విషయాల గురించి మేము ఇద్దరం మాట్లాడుకుంటాం అన్నాడు. అప్పుడు బాలయ్య కల్పించుకుని రాబోయే ఆరు నెలల వరకు రవితేజను కలవకు నీ రాబోయే సినిమా హీరోతో కలువు అన్నట్లుగా బాలయ్య సరదాగా సూచించాడు.
మన ఇద్దరి కాంబినేషన్ లో బ్లాక్ బస్టర్ వచ్చే వరకు రవితేజను కలువకుండా రెగ్యులర్ గా నన్ను కలువు అన్నట్లుగా బాలయ్య మాట్లాడారు. సరదాగా ఈ ముగ్గురి మద్య సాగిన సంభాషణలు ప్రస్తుతం సోషల్ మీడియాలో వైరల్ అవుతున్నాయి. రవితేజ మరియు బాలయ్య ల టాక్ షో ను ఏ ఒక్కరు ఊహించలేదు. ఊహించని కాంబోతో బాలయ్య అన్ స్టాపబుల్ సాగుతోంది. ఈ వారం రానా స్పెషల్ గెస్ట్ గా వచ్చాడు. ఇద్దరు కూడా మరింత జోవియల్ గా.. సరదాగా.. చిల్లర ముచ్చట్లు పెట్టి ప్రేక్షకులను నవ్వించబోతున్నట్లుగా ప్రోమో చూస్తుంటే అర్థం అవుతుంది. ఇక రానా ఎపిసోడ్ తర్వాత మహేష్ బాబుతో ఇప్పటికే షూట్ చేసిన ఎపిసోడ్ ను స్ట్రీమింగ్ చేసే అవకాశాలు ఉన్నాయంటున్నారు.