టాలీవుడ్‌ జక్కన్న సినిమాను ఎంత కష్టపడి జాగ్రత్తగా తెరకెక్కిస్తాడో అంతే జాగ్రత్తగా సినిమా ప్రమోషన్‌ చేస్తాడు. అద్బుతమైన ప్రమోషన్‌ ప్లాన్స్ ఆయన సొంతం అనడంలో సందేహం లేదు. ప్రతి ఒక్కరు కూడా ఆర్ఆర్ఆర్ సినిమా ప్రమోషన్‌ ఎప్పుడు ప్రారంభం అవుతుందా అంటూ ఎదురు చూస్తున్నారు. ఈ సమయంలో సినిమాకు సంబంధించిన ప్రమోషన్‌ గురించి ఆసక్తికర వార్తలు వస్తున్నాయి. సినిమా షూటింగ్‌ ముగింపు దశకు వచ్చింది. బ్యాక్ టు బ్యాక్ ప్రమోషన్‌ కార్యక్రమాలు రిలీజ్ లు ప్లాన్‌ చేశారట. కాని థియేటర్లు 100 శాతం ఆక్యుపెన్సీతో నడిచే వరకు సినిమా విడుదల విషయమై నిర్ణయం తీసుకోరని తెలుస్తోంది.
థియేటర్ల నూరు శాతం ఆక్యుపెన్సీ విషయంలో క్లారిటీ లేదు. కనుక అందుకు సంబంధించిన అధికారిక ప్రకటన వచ్చే వరకు ఆర్ఆర్ఆర్ సినిమా విడుదల విషయంలో ఒక నిర్ణయానికి రాలేము అంటూ ఇండస్ట్రీ వర్గాల వారు అంటున్నారు. ప్రస్తుతం సినిమా షూటింగ్‌ శరవేగంగా జరుగుతుంది. మరో వైపు ప్రమోషన్‌ కార్యక్రమాలు కూడా ప్లానింగ్‌ జరుగుతున్నాయి. అయితే సినిమా విడుదల తేదీ విషయంలో ఒక నిర్ణయానికి వచ్చిన తర్వాత మాత్రమే ప్రమోషన్‌ కార్యక్రమాలు షురూ చేయాలని అనుకుంటున్నారు.