ఇక విదేశాల్లో షూటింగ్స్‌ ఈ ఏడాది చివరి వరకు జరిగే అవకాశం లేదంటున్నారు. ఈ సమయంలో ఆర్‌ఆర్‌ఆర్‌ సినిమాపై ప్రభావం పడనుందా అనే అనుమానాలు వ్యక్తం అవుతున్నాయి. లండన్‌కు చెందిన ఓలివియాను ఎన్టీఆర్‌కు జోడీగా నటింపజేస్తున్న విషయం తెల్సిందే. షూటింగ్‌ ఇప్పటికే చాలా వరకు పూర్తి చేశారు. ఈ సమయంలో లాక్‌డౌన్‌ విధించడంతో షూటింగ్‌ ఆపేశారు. షూటింగ్‌ మళ్లీ ప్రారంభించిన సమయంలో లండన్‌ నుండి ఓలివియా షూటింగ్‌కు హాజరు అవ్వాల్సి ఉందట.
లండన్‌ నుండి ఆమె రావడం ఎలా అంటూ ప్రస్తుతం చిత్ర యూనిట్‌ సభ్యులు టెన్షన్‌ పడుతున్నారు. లండన్‌లో వేలల్లో కేసులు నమోదు అవుతున్నాయి. ఇలాంటి సమయంలో అక్కడ నుండి విమాన రాకపోకలు పూర్తిగా నిలిపేశారు. అది ఎప్పటి వరకు కొనసాగుతుందో తెలియని పరిస్థితి. దాంతో ఆర్‌ఆర్‌ఆర్‌ షూటింగ్‌లో ఓలివియా ఎప్పుడు జాయిన్‌ అవుతుందో, షూటింగ్‌ ఎప్పుడు పూర్తి చేస్తారో అనే టెన్షన్‌ ఫ్యాన్స్‌లో వ్యక్తం అవుతోంది. అయితే జక్కన్న మాత్రం ఖచ్చితంగా వచ్చే ఏడాది సంక్రాంతికి సినిమాను విడుదల చేస్తామని చెబుతున్నాడు.