Advertisement

చాలా వదిలేశా.. వదిలేస్తూనే ఉంటా-సాయిపల్లవి

Posted : May 1, 2020 at 11:19 pm IST by ManaTeluguMovies

సాయిపల్లవి.. ఈ పేరు ఎంత సంప్రదాయబద్ధంగా అనిపిస్తుందో.. ఆమె సినిమాల్లో ఎంచుకునే పాత్రలు, తన అప్పీయరెన్స్ కూడా అంతే సంప్రదాయబద్ధంగా ఉంటాయి. ఇప్పటిదాకా ఏ సినిమాలోనూ ఆమె గ్లామర్ ఒలకబోయలేదు. హద్దులు దాటి నటించలేదు. ఇక ముందు కూడా అందుకు అవకాశమే లేదని అంటోంది సాయిపల్లవి.

ఎన్ని కోట్లిచ్చినా తాను అంగాంగ ప్రదర్శన చేయలేనని ఆమె స్పష్టం చేసింది. మొదట్నుంచి తన ఉద్దేశం ఇదేనని.. కెరీర్లో ఎప్పటికీ ఈ విషయంలో మార్పు ఉండదని ఆమె ఓ ఇంటర్వ్యూలో స్పష్టం చేసింది.

తనకు దర్శకులు గ్లామర్ పాత్రలు ఆఫర్ చేయకుండా ఏమీ లేదని.. ఎక్స్‌పోజింగ్ చేయాలని అన్నారని.. దీంతో చాలా సినిమాలు వదులుకున్నానని సాయిపల్లవి వెల్లడించింది. ఈ విషయంలో తనకెలాంటి రిగ్రెట్స్ లేవని సాయిపల్లవి స్పష్టం చేసింది. తాను మొదట్నుంచి కూడా తెరపై ఒక సాధారణమైన కాలేజ్ అమ్మాయి లాగే కనిపించానని.. కురచ దుస్తులు వేసుకోవడం, శ్రుతి మించి అంగాంగ ప్రదర్శన చేయడం తనకు ఇష్టం ఉండదని సాయపల్లవి చెప్పింది.

‘ఫిదా’ సినిమాలో ఒక సన్నివేశంలో మాత్రం షార్ట్ డ్రెస్ వేసుకున్నానని.. అది సన్నివేశానికి అవసరం కాబట్టే చేశానని.. అవసరం లేకున్నా మరో సినిమాలో అలా కనిపించమంటే ఒప్పుకోనని.. ఒత్తిడి చేస్తే సినిమా నుంచి తప్పుకుంటానని క్రిస్టల్ క్లియర్‌గా చెప్పేసింది సాయిపల్లవి. ఆమె చెప్పడం అనే కాదు కానీ.. ప్రేక్షకులు కూడా సాయిపల్లవిని సెక్సీ రోల్స్‌లో చూడాలని అనుకోరు. ఆమెను అభిమానించే కోణమే వేరు.

కేవలం నటనతోనే కోట్ల మంది అభిమానుల్ని సంపాదించుకోవడం సాయిపల్లవికే చెల్లింది. ప్రస్తుతం తెలుగులో ఆమె రానా దగ్గుబాటి సరసన ‘విరాట పర్వం’ చేస్తున్న సంగతి తెలిసిందే.


Advertisement

Recent Random Post:

Elon Musk announces ‘amnesty’ for suspended Twitter accounts, runs poll on bringing them back

Posted : December 1, 2022 at 11:50 am IST by ManaTeluguMovies

Watch Elon Musk announces ‘amnesty’ for suspended Twitter accounts, runs poll on bringing them back

Advertisement
Advertisement
728x90 Ad
Advertisement
Advertisement
728x90 Ad
Advertisement