‘సలార్‌’ ఓటీటీ బిజినెస్‌ అంతకు మించి..!

ప్రభాస్‌ హీరోగా ప్రశాంత్ నీల్ దర్శకత్వంలో రూపొందుతున్న సలార్‌ మూవీ చిత్రీకరణ ఇటీవలే ప్రారంభం అయ్యింది. ఈ సినిమా డిజిటల్ రైట్స్ ను అమెజాన్ ప్రైమ్ వారు దక్కించుకున్నట్లుగా తెలుస్తోంది. ఇప్పటి వరకు ఏ ఇండియన్ సినిమాకు పెట్టనంత మొత్తంను అమెజాన్ వారు ఈ సినిమాకు పెట్టినట్లుగా తెలుస్తోంది. బాలీవుడ్ సినిమా లను మించి కూడా ఈ సినిమా ను ఇస్తున్నారట. డైరెక్ట్‌ రిలీజ్ సినిమాల విషయం పక్కన పెడితే థియేట్రికల్‌ రిలీజ్ అయిన సినిమా ఓటీటీ హక్కుల రేటు ల్లో సలార్‌ టాప్ అన్నట్లుగా సమాచారం అందుతోంది.

ఇప్పటి వరకు ఏ ఇండియన్‌ సినిమా కూడా దక్కించుకోని మొత్తంను సలార్‌ దక్కించుకున్న నేపథ్యంలో సినిమా పై ఉన్న అంచనాలు ఏంటో అర్థం అవుతుంది. ప్రభాస్ బాహుబలి మరియు సాహో సినిమా లతో ఇండియాస్‌ బిగ్గెస్ట్‌ స్టార్‌ గా గుర్తింపు దక్కించుకున్నాడు ఇక కేజీఎఫ్ సినిమా లతో ప్రశాంత్ నీల్ కూడా ఇండియాస్ బిగ్గెస్ట్‌ దర్శకుల జాబితాలో చేరాడు. వీరి కాంబోలో రాబోతున్న సినిమా అవ్వడం వల్ల అంచనాలు ఆకాశాన్ని తాకేలా ఉన్నాయి. అందుకే ఈ భారీ రేటు అంటున్నారు. ఈ సినిమాలో ప్రభాస్‌ కు జోడీగా శృతి హాసన్‌ నటిస్తున్న విషయం తెల్సిందే.