శాకుంతలం షురూ అయ్యేది ఎప్పుడంటే

రుద్రమదేవి దర్శకుడు గుణశేఖర్‌ దర్శకత్వంలో రూపొందబోతున్న సమంత శాకుంతలం షూటింగ్‌ ప్రారంభంకు అన్ని ఏర్పాట్లు చకచక జరుగుతున్నాయి. హైదరాబాద్‌ శివారు ప్రాంతంలో ఈ సినిమా కోసం భారీ సెట్టింగ్ లను నిర్మించడంతో పాటు నటీ నటుల ఎంపిక కార్యక్రమం కూడా చకచక జరుగుతున్నట్లుగా సమాచారం అందుతోంది. ఇక విశ్వసనీయంగా అందుతున్న సమాచారం ప్రకారం ఈ సినిమాను వచ్చే నెల 20నుండి ప్రారంభించబోతున్నట్లుగా చెబుతున్నారు. ఒక అటవి మద్యలో కుటీరం సెట్టింగ్‌ ను ఇప్పటికే వేయించిన గుణశేఖర్‌ దానికి హంగులు అద్దిస్తున్నాడట.

మెజార్టీ పార్ట్‌ షూటింగ్‌ ను ఆ సెట్‌ లోనే చేయబోతున్న చిత్ర యూనిట్‌ సభ్యులు సినిమా పై అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా ఈ సినిమాను రూపొందించడంతో పాటు సమంత అభిమానులకు ఆమెను సరికొత్తగా చూపించేందుకు దర్శకుడు గుణ ప్లాన్‌ చేస్తున్నాడు. స్వీయ నిర్మాణంలో గుణశేఖర్‌ ఈ సినిమాను నిర్మిస్తున్నాడు. సమంత ఛారిత్రాత్మక సినిమా చేస్తున్న నేపథ్యంలో అంచనాలు ఆకాశాన్ని తాకేలా ఉన్నాయి. అంచనాలకు తగ్గట్లుగా సమంత విషయంలో అత్యంత ప్రత్యేక జాగ్రత్తలు తీసుకోవడంతో పాటు గుణశేఖర్ ఇతర నటీనటుల విషయంలో కూడా జాగ్రత్తగా ఉంటున్నట్లుగా సమాచారం అందుతోంది.