భారీ కమర్షియల్‌ వ్యాల్యూస్‌తో రూపొందబోతున్న ఈ చిత్రంలో విలన్‌ పాత్రను కన్నడ స్టార్‌ హీరో సుదీప్‌ పోషించబోతున్నట్లుగా సినీ వర్గాల ద్వారా సమాచారం అందుతోంది. ఈగ చిత్రంతో తెలుగు వారికి సుపరిచితుడు అయిన సుదీప్‌ ప్రస్తుతం కన్నడంలో వరుసగా చిత్రాలు చేస్తున్నాడు. తెలుగులో విలన్‌ పాత్రలు క్యారెక్టర్‌ ఆర్టిస్టు పాత్రలు చేసేందుకు సుదీప్‌ చాలా ఆసక్తిగా ఉన్నాడు.
సర్కారు వారి పాట కోసం సుదీప్‌ను దర్శకుడు పరుశురామ్‌ సంప్రదించాడని అందుకు ఆయన గ్రీన్‌ సిగ్నల్‌ ఇచ్చినట్లుగా సమాచారం అందుతోంది. మహేష్‌బాబు సినిమాలో హీరోయిన్‌గా కియారా అద్వానీని ఎంపిక చేసినట్లుగా తెలుస్తోంది. సినిమాను వచ్చే ఏడాది దసరాకు ప్రేక్షకుల ముందుకు తీసుకు రావాలనే ఉద్దేశ్యంతో దర్శకుడు పరశురామ్‌ సన్నాహాలు చేస్తున్నాడు.