బుల్లి తెరపై మంచి క్రేజ్ ను దక్కించుకున్న నటుడు కౌశల్. గతంలో విలన్ గా కౌశల్ చాలా సీరియల్స్ చేశాడు. బిగ్ బాస్ తో వచ్చిన క్రేజ్ తో సినిమాల్లో కూడా నటించబోతున్నట్లుగా వార్తలు వచ్చాయి. కొన్ని ఆఫర్లు వచ్చినా కూడా తన స్థాయికి తగ్గట్లుగా లేవు అంటూ వదిలేశాడు. ఇప్పుడు మహేష్బాబు సినిమాలో ఆఫర్ రావడంతో చాలా సంతోషంగా ఒప్పేసుకున్నాడట.
బ్యాకింగ్ రంగంలో ఉన్న అవినీతి మరియు కొన్ని రకాల సమస్యలపై ఈ చిత్రంను పరశురామ్ తీయబోతున్నాడు. అన్ని వర్గాల వారిని ఆకట్టుకునేలా ఈ చిత్రం ఉంటుందట. విలన్ పాత్రకు గాను కౌశల్ అయితే అన్ని విధాలుగా బాగుంటుందని భావించి ఆయన్ను ఎంపిక చేయడం మహేష్ బాబు కూడా అందుకు గ్రీన్ సిగ్నల్ ఇవ్వడం చేశాడట. త్వరలోనే సినిమా షూటింగ్ ప్రారంభం కాబోతుంది. వచ్చే ఏడాది దసరా వరకు సినిమాను విడుదల చేయాలని భావిస్తున్నారు.