ఓ వలస కార్మికుడు తన ఊరు వెళ్లి వెల్డింగ్ షాప్ పెట్టుకుని దానికి ‘సోనూసూద్ వెల్డింగ్ షాప్’ అని పేరు పెట్టుకున్నాడు. రీసెంట్ గా చిత్తూరు జిల్లా మదనపల్లెలో ఓ రైతు తన కూతుళ్లతో దుక్కి దున్నడం చూసి చలించిపోయాడు. సాయంత్రానికల్ల ట్రాక్టర్ కొనిచ్చి వారి గుండెల్లో కొలువయ్యాడు. ఈ ఒక్క ఘటన దేశవ్యాప్తంగా సెన్సేషన్ అయింది. ఉద్యోగం కోల్పోయి కూరగాయలు విక్రయిస్తున్న ఓ సాఫ్ట్ వేర్ యువతికి ఉద్యోగం ఇప్పించాడు.
ఇంత చేస్తున్న సోనూసూద్ పై ఇప్పుడు ఆసక్తికరమైన చర్చ నడుస్తోంది. అసలు సోనూ.. ఆస్తి ఎంత.. ఖర్చు పెడుతున్నది ఎంత అని నెటిజన్లు చర్చించుకుంటున్నారు. ఇలా ఇచ్చుకుంటూ పోతే తన పరిస్థితి ఏంటి.. అనుకుంటూ చర్చలు నడుస్తున్నాయి. దీనిపై బాలీవుడ్ మీడియా సేకరించిన సమాచారం ప్రకారం.. సోనూసూద్ ఆస్తుల విలువ 130 కోట్లుగా తేల్చారు. ఇప్పటివరకూ ఖర్చు చేసింది 10 కోట్లుగా కూడా తేల్చారు. సినిమా ప్రొఫెషన్, ముంబైలో పెద్ద ఇల్లు, హోటల్స్.. సోనూకు ఉన్నాయి. సోనూసూద్ సాయంపై కొందరు విమర్శలు చేస్తున్నా పట్టించుకోనంటున్నాడు. సేవే తన లక్ష్యం అంటున్నాడు.