ఇప్పటికే ఈ సినిమాకు సంబందించిన సెట్ వర్క్ మొత్తం పూర్తయిపోయింది. వచ్చే నెల నుండి పుష్ప షూటింగ్ మొదలయ్యే అవకాశాలు ఉన్నాయి. అలాగే 2020 పూర్తయ్యేలోపు దాదాపు 50 శాతం సినిమా షూటింగ్ ను పూర్తి చేయాలని సుకుమార్ అండ్ కో ఫిక్స్ అయ్యారు. అందుకోసం 40 రోజుల లాంగ్ షెడ్యూల్ ను వచ్చే నెల నుండి మొదలుపెట్టనున్నారు.
సుకుమార్ రీసెంట్ గా మరో సినిమాతో కూడా అసోసియేట్ అయిన విషయం తెల్సిందే. సాయి ధరమ్ తేజ్ హీరోగా కొత్త దర్శకుడు కార్తీక్ తెరకెక్కించనున్న సినిమాకు సుకుమార్ స్క్రీన్ ప్లే సమకూరుస్తున్న సంగతి తెల్సిందే. అంతే కాకుండా నిర్మాణంలో కూడా భాగం పంచుకోనున్నాడు. మూఢ నమ్మకాల నేపథ్యంలో ఈ సినిమా ఉండనుంది.
ఈ చిత్ర దర్శకుడు కార్తీక్ మాట్లాడుతూ గతేడాది ఈ సినిమా కథను సుకుమార్ దగ్గరకు తీసుకువెళ్లగా ఒక సంవత్సరం వెయిట్ చేయమన్నారని, దాని తర్వాత కథ విని స్క్రీన్ ప్లేలో తాను కూడా భాగం అవుతానని తెలిపినట్లు సమాచారం. తనకు అంతకంటే సంతోషం ఏముంటుందని కార్తీక్ తెలిపాడు.