బాలీవుడ్ లో సుశాంత్ ను తొక్కేశార‌ని, సుశాంత్ కు అవ‌కాశాలు ఇవ్వ‌లేద‌ని, అత‌డితో అనుకున్న ప‌లు సినిమాలు వేరే న‌టుల‌కు వెళ్లాయ‌ని.. ఇలాంటి కార‌ణాలే అయ్యుండొచ్చు, ప్రేమ కార‌ణాలు అయ్యుండొచ్చు.. అనే అభిప్రాయాలు వినిపించాయి. త‌న ఆత్మహత్యకు కారణం ఏమిటో సుశాంత్ సింగ్ కూడా ఎలాంటి లేఖ రాయ‌లేద‌ని పోలీసులు ప్ర‌క‌టించారు.
అయితే సుశాంత్ తండ్రి త‌న త‌న‌యుడి ఆత్మ‌హ‌త్య విష‌యంలో సంచ‌ల‌న ఫిర్యాదు చేశారు. న‌టి రియా చ‌క్ర‌బ‌ర్తి ప‌రోక్షంగా త‌న త‌న‌యుడి ఆత్మహత్యకు కారణం అనే త‌ర‌హాలో ఆయ‌న ఫిర్యాదు చేశారు. సుశాంత్ అకౌంట్ నుంచి భారీగా డ‌బ్బు ను కూడా రియా కుటుంబీకులు బ‌దిలీ చేయించుకున్నార‌ని ఆయ‌న పేర్కొన్నారు. ఈ క్ర‌మంలో రియా కూడా వేగంగా స్పందించి, ఆ కేసు విచార‌ణ ముంబైలో జ‌ర‌గాల‌ని కోర‌డం, ఆమె ముంద‌స్తు బెయిల్ ప్ర‌య‌త్నాలు చేస్తోంద‌నే వార్త‌లు వ‌స్తున్నాయి.
ఈ క్ర‌మంలో బాలీవుడ్ మీడియా మ‌రో విష‌యాన్ని క‌నిపెట్టింద‌ట. ఒక హౌస్ బ్రోక‌ర్ ద్వారా అక్క‌డి మీడియా ఒక క‌థనాన్ని చెప్పిస్తోంది. సుశాంత్, రియాలు పెళ్లి చేసుకోవాల‌నుకున్నార‌ని, వారు బ‌స చేయ‌డానికి నెల‌కు నాలుగు ల‌క్ష‌ల రూపాయ‌ల రెంటుతో ఒక ఇంటిని కూడా చూడాల‌ని రియా త‌న‌ను కోరిన‌ట్టుగా ఆ హౌస్ బ్రోక‌ర్ చెప్పాడ‌ట. త‌ను, సుశాంత్ కాపురం ఉండ‌టానికి ఆ ఇల్లు అని రియా అత‌డికి చెప్పింద‌ట. ఇదంతా సుశాంత్ ఆత్మహత్యకు కొన్ని రోజుల ముందు జ‌రిగిన‌ట్టుగా అత‌డు చెప్పాడ‌ట. ఈ విష‌యాన్ని బాలీవుడ్ మీడియా చెబుతోంది.