వైష్ణవ్ తేజ్ హీరోగా పరిచయమవుతున్న చిత్రం ఉప్పెన. ఈ సినిమాపై మొదటి నుండి మంచి అంచనాలే ఉన్నాయి. ఈ సినిమాలో హీరోయిన్ గా నటించిన కృతి శెట్టి కూడా అందరినీ ప్రోమోలతోనే ఇంప్రెస్ చేసింది. దర్శకుడు బుచ్చి బాబుకు కూడా ఈ చిత్రం మొదటి సినిమా.
ఉప్పెన సినిమా కచ్చితంగా బాగుంటుందన్న నమ్మకం ప్రేక్షకుల్లో ఏర్పడిపోయింది. దానికి తగ్గట్లు ఈ సినిమా క్లైమాక్స్ విషయంలో మొదలైన రూమర్ కూడా ఇంట్రెస్ట్ ను బాగా పెంచింది. భారీ అంచనాలతో విడుదలవుతున్న ఈ చిత్రానికి భారీ ఓపెనింగ్స్ రావడం ఖాయంగా కనిపిస్తోంది. ఏకంగా 20 కోట్లకు ఈ సినిమా బిజినెస్ అయినట్లు వార్తలు వస్తున్నాయి.
ఇదిలా ఉంటే ఓవర్సీస్ లో కూడా ఉప్పెన చిత్రానికి భారీ రిలీజ్ దక్కనుంది. యూఎస్ లో ఈ సినిమా 80 సెంటర్స్ లో విడుదలవుతోంది. అలాగే ఆస్ట్రేలియా, న్యూజీలాండ్ కలిసి ఉప్పెన చిత్రానికి 110కు పైగా కేంద్రాలు లభించాయి. మొత్తంగా ఓవర్సీస్ లో 220 కేంద్రాలలో ఈ సినిమా విడుదలవుతోంది. ప్రస్తుతం ఓవర్సీస్ మార్కెట్ చతికిలపడిన నేపథ్యంలో ఉప్పెన తిరిగి డోర్స్ తెరుస్తుంది అన్న నమ్మకాన్ని కలిగిస్తోంది
