ఉప్పెన సినిమాతో సూపర్‌ హిట్‌ను దక్కించుకున్న వైష్ణవ్‌ తేజ్ ఇప్పటికే క్రిష్‌ దర్శకత్వంలో రెండవ సినిమా చేశాడు. మూడవ సినిమాను గిరీషయ్య దర్శకత్వంలో చేస్తున్నాడు. ఇక నాల్గవ సినిమాను అన్నపూర్ణ స్టూడియోలో చేయబోతున్నట్లుగా తెలుస్తోంది. ఇందుకు గాను ఏకంగా 4.75 కోట్ల రూపాయలను పారితోషికంగా వైష్ణవ్‌ తేజ్ అందుకోబోతున్నట్లుగా వార్తలు వస్తున్నాయి. మొదటి సినిమాకు 50 లక్షల వరకు పారితోషికం అందుకున్న ఈయన మూడవ సినిమాకు రెండు కోట్ల వరకు తీసుకుంటున్నాడు. నాల్గవ సినిమాకు ఏకంగా అయిదు కోట్ల వరకు పారితోషికం అందుకోవడం అంటే మామూలు విషయం కాదు. గతంలో ఏ మెగా హీరోకు ఈ రేంజ్ పారితోషికం కెరీర్ ఆరంభంలో దక్కలేదు. త్వరలో ఈ సినిమా పూర్తి వివరాలు వెళ్లడించే అవకాశం ఉంది.