వీరప్పన్‌ చిన్న కూతురు ‘రీల్’ స్మగ్లింగ్ మొదలు పెట్టింది!

తమిళనాడు.. కర్ణాటక మరియు ఆంద్ర ప్రదేశ్‌ పోలీసులను మరియు ప్రభుత్వాలను ముప్పు తిప్పలు పెట్టిన గందపు చెక్కల స్మగ్లర్ వీరప్పన్‌ ను పోలీసులు ఎన్‌ కౌంటర్‌ చేసిన విషయం తెల్సిందే. వీరప్పన్‌ పై ఎన్నో సినిమాలు వచ్చాయి. ఆయన్ను కొందరు మంచి వాడిగా చూపించగా మరి కొందరు అత్యంత నీచుడిగా చూపించే ప్రయత్నం చేశారు. ఆయన మృతి చెందిన తర్వాత ఆయన టీమ్‌ మొత్తం జన జీవన స్రవంతిలో కలిసి పోయారు. ఇక వీరప్పన్‌ ఇద్దరు కుమార్తెలు కూడా రాజకీయాలు చేసుకుంటూ ఉన్నారు. ఇటీవలే వీరప్పన్‌ పెద్ద కూతురు బీజేపీలో జాయిన్ అయ్యింది. ఇక చిన్న కూతురు విజయలక్ష్మి కొంత కాలంగా తమిళ్వురిమై పార్టీలో కొనసాగుతుంది.

విజయలక్ష్మి ఇప్పుడు వెండి తెరపై అరంగేట్రంకు సిద్దం అయ్యింది. ఈమె ప్రధాన పాత్రలో రాజ్ర్శీ దర్శకత్వంలో మావీరన్‌ పిళ్లై అనే సినిమా రూపొందుతోంది. ఈ సినిమా ఫస్ట్‌ లుక్‌ ను విడుదల చేశారు. వీరప్పన్‌ కూతురు అయ్యి ఉండి సమాజ సేవ సినిమాలు ఏమైనా చేస్తుంది. ఆమె కూడా తండ్రి మాదిరిగా గన్ను పట్టి గందపు చెక్కల స్మగ్లర్‌ పాత్రలో కనిపించబోతుంది. తండ్రి రియల్‌ గా స్మగ్లింగ్ చేస్తే కూతురు రీల్‌ లో స్మగ్లింగ్‌ కు సిద్దం అయ్యింది. తండ్రి తరహాలో గాంభీర్యంగా కనిపిస్తూ ఉన్న విజయలక్ష్మి ఆయన మాదిరిగా భుజం మీద గన్ను పెట్టుకుని ఉండటం ఫస్ట్ లుక్‌ లో చూడవచ్చు. ఈ సినిమా కేఎన్‌ఆర్‌ బ్యానర్‌ లో రూపొందుతోంది. విజయలక్ష్మి ఈ సినిమా తో నటిగా గుర్తింపు దక్కించుకుని ఇండస్ట్రీలో కంటిన్యూ అవుతుందేమో చూడాలి.