గత ఏడాది భారత్‌–పాకిస్తాన్‌ సైనికుల మధ్య జరిగిన దాడిలో భారత వింగ్‌కమాండర్‌ అభినందన్‌ వర్థమాన్‌ పాకిస్తాన్‌ సైనికుల చేతికి చిక్కిన విషయం తెలిసిందే. మూడు రోజులు బంధీగా ఉంచి, పాక్‌ ప్రభుత్వం అభినందన్‌ని భారత ప్రభుత్వానికి అప్పగించింది. అభినందన్‌ జీవితం ఆధారంగా అభిషేక్‌ కపూర్‌ ఈ సినిమా రూపొందించనున్నారట. ఈ స్క్రిప్ట్‌ని విజయ్‌ దేవరకొండ విని, నటించడానికి అంగీకరించారని సమాచారం. అభినందన్‌ పాత్రనే విజయ్‌ చేయనున్నారట. అయితే ఇంకా ఈ ప్రాజెక్ట్‌కి విజయ్‌ దేవరకొండ సంతకం చేయలేదని బాలీవుడ్‌ టాక్‌.