కమర్షియల్ చిత్రాలను కొత్త పంథాలో నడిపించగల దర్శకుడు పూరి జగన్నాథ్ తో కలిసి సినిమా చేస్తున్నాడు విజయ్ దేవరకొండ. ఈ చిత్రానికి ఫైటర్ అన్న టైటిల్ ను పరిశీలిస్తున్నట్లు వార్తలు వస్తున్నాయి. ఇందులో విజయ్ ఒక బాక్సర్ పాత్రలో కనిపించబోతున్నాడట.
ఇప్పటిదాకా విజయ్ ఈ సినిమా గురించి ఎక్కడా స్పందించలేదు కానీ మొదటి సారి ఈ చిత్ర విశేషాలను తెలిపాడు. పూరి జగన్నాథ్ తో ఏదో కమర్షియల్ చిత్రం చేసేయాలని కాకుండా ఈ చిత్రం కథ డిమాండ్ చేసిందని అంటున్నాడు విజయ్. “ఈ కథ విన్నప్పుడు ఇలాంటి కథ కోసమే ఎదురుచూస్తున్నా అనిపించింది. నా కెరీర్ లో పూర్తి స్థాయి కమర్షియల్ ఎంటర్టైనర్ ఈ బొమ్మ. కచ్చితంగా అందరికీ నచ్చుతుంది. ఫన్ యాంగిల్ లో ఉన్న కమర్షియల్ ఎంటర్టైనర్. ఈ పాత్ర కోసం ఎనిమిది నెలలు ట్రైనింగ్ తీసుకుని కష్టపడ్డా. ఈ సినిమాలో నా లుక్ చూస్తే ఎదుటి వ్యక్తిని కొట్టడానికి ఉన్నాడా అని అనిపిస్తుంది” అని విజయ్ తెలిపాడు.