తాజాగా ఇచ్చిన ఓ ఇంటర్వ్యూలో చిత్ర దర్శకుడు బుచ్చిబాబు దీనిపై స్పందించారు. ‘‘ రాయనం పాత్రకు తన వాయిస్‌ సెట్‌ అవ్వదని విజయ్‌ సేతుపతి గారు చెప్పారు. గతంలో ఆయనకు డబ్బింగ్‌ చెప్పిన నటుడు అజయ్‌, మరికొంతమందితో డబ్బింగ్‌ చెప్పిద్దామని అనుకున్నాం. చివరకు బొమ్మాలి రవి శంకర్‌ను ఫైనల్‌ చేశాం. మామూలుగా ఆయన ఒక రోజులోనే పాత్రలకు డబ్బింగ్‌ చెబుతారు. అలాంటిది రాయన్న పాత్రకు డబ్బింగ్‌ చెప్పటానికి మూడు రోజులు టైం తీసుకున్నారు’’ అని అన్నారు.
కాగా, మెగా మేనల్లుడు, సాయిధరమ్‌తేజ్‌ సోదరుడు వైష్ణవ్ తేజ్ ‘ఉప్పెన’ సినిమాతో హీరోగా పరిచయమవుతున్నారు. చిత్ర హీరోయిన్‌ కృతి శెట్టికి కూడా ఇది మొదటి సినిమా. సుకుమార్ రైటింగ్స్ మైత్రి మూవీ మేకర్స్ నిర్మించిన ఈ చిత్రానికి సుకుమార్ శిష్యుడు బుచ్చిబాబు సానా దర్శకత్వం వహిస్తున్నాడు. ఫిబ్రవరి 12(రేపు)న సినిమా ప్రేక్షకుల ముందుకు రానుంది.