ఐతే ప్ర‌భుత్వానికి హైకోర్టులో చుక్కెదురైన‌పుడ‌ల్లా ప్ర‌తిప‌క్ష నేత చంద్ర‌బాబు నాయుడు లైన్లోకి వ‌స్తుంటారు. ఇప్పుడు కూడా వ‌చ్చేశారు. డాక్ట‌ర్ సుధాక‌ర్ కేసును హైకోర్టు సీబీఐకి అప్ప‌గించ‌డాన్ని తాను స్వాగ‌తిస్తున్న‌ట్లు ట్వీట్ వేశారు. కేంద్ర ద‌ర్యాప్తు సంస్థ సుధాక‌ర్ ప‌ట్ల పోలీసులు అంత దారుణంగా వ్య‌వ‌హ‌రించడంలో ప్ర‌భుత్వ పాత్ర‌ను బ‌య‌టికి తీస్తుంద‌న్న నమ్మకం ఉంద‌న్నారు. ఐతే ఇదే చంద్ర‌బాబు సీఎంగా ఉండ‌గా సీబీఐ విష‌యంలో ఏం చేశార‌న్న‌ది ఇప్పుడు ప్ర‌స్తావ‌నార్హం. రాష్ట్రంలోకి సీబీఐ అడుగు పెట్ట‌కుండా ఆయ‌న చ‌ట్టం తీసుకొచ్చారు. కొన్ని కేసుల‌కు సంబంధించి తెలుగుదేశం నాయ‌కుల‌తో సీబీఐ వ్య‌వ‌హ‌రిస్తున్న తీరును త‌ప్పుబ‌ట్టారు. సీబీఐపై తీవ్ర విమ‌ర్శ‌లు, ఆరోప‌ణ‌లు చేశారు. కానీ ఇప్పుడేమో సీబీఐని పొగుడుతున్నారు. సుధాక‌ర్ కేసును సీబీఐకి అప్ప‌గించ‌డాన్ని స్వాగతిస్తున్నారు. దీనిపై సోష‌ల్ మీడియాలో పెద్ద ఎత్తున కౌంట‌ర్లు ప‌డుతున్నాయి.