టాలీవుడ్ సీనియర్ హీరో నందమూరి బాలకృష్ణ.. ప్రస్తుతం కెరీర్ లో పీక్ స్టేజ్ లో ఉన్నారనే చెప్పాలి. అటు సినిమాలు.. ఇటు రాజకీయాలు.. అన్నింటా దూసుకెళ్తున్నారు. అదే సమయంలో అన్ స్టాపబుల్ షోతో సందడి చేస్తున్నారు. ఆహా ఓటీటీలో స్ట్రీమింగ్ అవుతున్న ఆ షో ఇప్పటికే సక్సెస్ ఫుల్ గా మూడు సీజన్స్ పూర్తి చేసుకుంది. ఇప్పుడు నాలుగో సీజన్ స్ట్రీమింగ్ అవుతోంది. దీపావళి కానుకగా రెండో ఎపిసోడ్ అందుబాటులోకి వచ్చింది.
సీజన్-4 సెకెండ్ ఎపిసోడ్ లో లక్కీ భాస్కర్ టీమ్ సందడి చేసింది. ఆ మూవీ హీరో దుల్కర్ సల్మాన్, హీరోయిన్ మీనాక్షీ చౌదరి, డైరెక్టర్ వెంకీ అట్లూరి, నిర్మాత నాగవంశీ గెస్టులుగా వచ్చారు. షోలో భాగంగా ఇంట్రెస్టింగ్ విషయాలను పంచుకున్నారు. ఆ సమయంలో నాగవంశీని పలు ప్రశ్నలు అడిగిన బాలయ్య.. చివర్లో మీ జీవితంలో అన్ స్టాపబుల్ మూమెంట్ ఏంటని క్వశ్చన్ చేశారు. అందుకు సంబంధించిన వీడియో ఇప్పుడు వైరల్ గా మారింది.
‘2018లో హైలీ యాంటిసిపేటెడ్ ఫిల్మ్ పెద్ద ఫ్లాప్ అయింది. దాని తర్వాత ఎక్కడికి వెళ్తున్నాం? ఏంటి అది? అని టెన్షన్ పడ్డాను. ఆ సమయంలో త్రివిక్రమ్ గారే రెండు నెలల్లో బయటకు వచ్చి మళ్ళీ రెండు బ్యాక్ టు బ్యాక్ హిట్స్ ఇచ్చారు. అదొక్కటే జర్క్ తప్ప లైఫ్ లో ఇప్పటివరకు ఎలాంటి ఇబ్బంది దాలేదు సర్” అని నాగవంశీ తెలిపారు. కానీ ఆ ఫ్లాఫ్ గా మారిన సినిమా పేరును మాత్రం నాగ వంశీ ప్రస్తావించలేదు.
దీంతో బాలయ్య వెంటనే అజ్ఞాతవాసి అని తెలిపారు. అజ్ఞాతవాసి నుంచి అల వైకుంఠపురంలో అన్ స్టాపబుల్ జర్నీ అని కొనియాడారు. అయితే అజ్ఞాతవాసి మూవీని నిర్మించిన హారిక అండ్ హాసిని సంస్థ అధినేత చినబాబుకు నాగవంశీ కొడుకు వరుస అవుతారు. ఇద్దరూ కలిపి సితార ఎంటర్టైన్మెంట్స్ సంస్థను కూడా స్టార్ట్ చేసి అనేక సినిమాలు తెరకెక్కించారు. కానీ హారిక అండ్ హాసిని సంస్థకు అజ్ఞాతవాసి రూపంలో పెద్ద డిజాస్టర్ ఎదురైంది.
2018 సంక్రాంతి కానుకగా వచ్చిన ఆ సినిమా భారీ అంచనాలతో రిలీజ్ అయ్యి ఫ్లాప్ గా నిలిచింది. అప్పుడు బాలయ్య కూడా జైసింహ మూవీతో వచ్చారు. అజ్ఞాతవాసి డిజాస్టర్ కావడం ఆయనకు బాగా కలిసి వచ్చింది. జైసింహకు పాజిటివ్ రివ్యూస్ రాకపోయినా.. సంక్రాంతి సీజన్ కావడం వల్ల బాక్సాఫీస్ వద్ద వసూళ్ల విషయంలో సేఫ్ అయ్యారు. ఇప్పుడు ఆయన హోస్ట్ చేసిన షోలో అజ్ఞాతవాసి ప్రస్తావన రావడం గమనార్హం.
