పాన్ ఇండియా స్టార్ ప్రభాస్, డైరెక్టర్ నాగ్ అశ్విన్ కాంబోలో మరికొద్ది రోజుల్లో రాబోతున్న కల్కి 2898 ఏడీపై భారీ అంచనాలు నెలకొన్న విషయం తెలిసిందే. ప్రమోషనల్ కంటెంట్ లో భాగంగా మేకర్స్ ఇప్పటి వరకు రిలీజ్ చేసిన ప్రతీ అప్డేట్ కూడా మాసివ్ రెస్పాన్స్ అందుకుంది. దీంతో మేకర్స్ రెట్టింపు జోష్ తో దూసుకెళ్తున్నారు. రకరకాలుగా సినిమాను ప్రమోట్ చేస్తున్నారు. రిలీజ్ కు ముందు మరిన్ని అప్డేట్స్ తో సందడి చేసేందుకు సిద్ధమవుతున్నారు.
రీసెంట్ గా పలువురు సెలబ్రిటీల పిల్లలకు సినిమాలోని బుజ్జి, భైరవ బొమ్మలను గిఫ్టులుగా పంపారు. తాజాగా కోలీవుడ్ స్టార్ హీరో యశ్ పిల్లలు కూడా ఆ గిప్ట్ అందుకున్నారు. నార్త్ టు సౌత్ అనేక మంది స్టార్ల పిల్లలకు మేకర్స్ వాటిని ఇవ్వనున్నట్లు తెలుస్తోంది. అంతకుముందు మేకర్స్ అమెజాన్ ప్రైమ్ వీడియోలో రిలీజ్ చేసిన ప్రీ లూడ్ వీడియోస్.. బుజ్జి అండ్ భైరవకు సూపర్ రెస్పాన్స్ వస్తోంది. నాగ్ అశ్విన్ ప్లాన్ కు అంతా ఫిదా అవుతున్నారు.
మూవీ కచ్చితంగా జూన్ 27వ తేదీన థియేటర్లలో చూడాలని ఫిక్స్ అయిపోయారు! అంతకన్నా ముందు ట్రైలర్ కోసం ఈగర్లీ వెయిట్ చేస్తున్నారు. జూన్ 10వ తేదీన ట్రైలర్ ను లాంఛ్ చేస్తున్నట్లు ఇటీవల మేకర్స్ అనౌన్స్ చేశారు. కొత్త కల్కి ప్రపంచం ఎదురుచూస్తోందంటూ భారీ హోప్స్ క్రియేట్ చేశారు. అయితే ఈ ట్రైలర్ లాంఛ్ కోసం ముంబైలో భారీ ఈవెంట్ ను మేకర్స్ ప్లాన్ చేస్తున్నట్లు ఇండస్ట్రీలో గుసగుసలు వినిపించాయి.
కానీ ఇప్పుడు ట్రైలర్ ను సోషల్ మీడియాలోనే రిలీజ్ చేయనున్నారని తెలుస్తోంది. ఆ తర్వాత ముంబైలో ప్రమోషనల్ ఈవెంట్ ను మేకర్స్ ఏర్పాటు చేయనున్నారని సమాచారం. అందుకోసం ఏర్పాట్లు కూడా మొదలయ్యాయని వినికిడి. ప్రస్తుతం వేదిక కోసం వివిధ ప్రదేశాలు పరిశీలించారని, త్వరలోనే ఈవెంట్ డేట్ ను అనౌన్స్ చేయనున్నారని టాక్. నార్త్ లో మరింత బజ్ పెంచేందుకు కనీవినీ ఎరుగని విధంగా మేకర్స్ ప్లాన్ చేస్తున్నారట.
కల్కిలో బాలీవుడ్కు బిగ్ బీ అమితాబ్ బచ్చన్, స్టార్ హీరోయిన్లు దీపికా పదుకొణె, దిశా పటానీ తదితరులు కనిపించనున్నారు. వారంతా ఆ ఈవెంట్ కు హాజరు కానున్నారని తెలుస్తోంది. మూవీ టీమ్ అంతా కూడా అటెండ్ అవ్వనున్నట్లు సమాచారం. ముంబై తర్వాత ఏపీలో మరో ఈవెంట్ ను ప్లాన్ చేస్తున్నట్లు టాక్ వినిపిస్తోంది. మరి ముంబైలో కల్కి మూవీ భారీ ఈవెంట్ ఎప్పుడు.. ఎలా.. ఎక్కడ జరుగుతుందో తెలియాలంటే వేచి చూడాలి.
