నందమూరి బాలకృష్ణ హీరోగా బోయపాటి శ్రీను దర్శకత్వంలో సినిమా తెరకెక్కుతోన్న సంగతి తెల్సిందే. ఈ సినిమా షూటింగ్ ఒక షెడ్యూల్ పూర్తయింది. రెండో షెడ్యూల్ మొదలుపెట్టాలి అని భావించగా లాక్ డౌన్ కారణంగా రెండు నెలల నుండి వాయిదా పడుతూ వస్తోంది. మరో రెండు నెలల పాటు షూటింగ్ లకు అనుమతి రావడం కష్టమే. అయితే అనుమతులు ఎప్పుడు వస్తే అప్పుడు షూటింగ్ కు రెడీ అంటూ చిత్ర టీమ్స్ కొన్ని ఇప్పటికే ప్రకటించాయి. బోయపాటి అండ్ టీమ్ కు కూడా ఇలానే ఉన్నా కానీ వారికి ఆ అవకాశం ఉండకపోవచ్చు.
ఎందుకంటే ఈ సినిమా రాయలసీమ – వారణాసి నేపథ్యంలో సాగే కథ. మెజారిటీ షూటింగ్ భాగాన్ని వారణాసి తదితర నార్త్ ఇండియా ప్రాంతాల్లో తెరకెక్కించాలని ప్లాన్ చేసారు. అయితే ప్రస్తుతం ఉన్న పరిస్థితుల దృష్ట్యా నార్త్ ఇండియాలో షూటింగ్ చేసుకోవడానికి పెర్మిషన్ రావడం అంత సులువు కాకపోవచ్చు. దీంతో ఏం జరుగుతుందోనని, ఎప్పటినుండి షూటింగ్స్ కు అనుమతి లభిస్తుందోనని టీమ్ ఎదురుచూస్తోంది.
ఈ చిత్రంలో నందమూరి బాలకృష్ణ రెండు విభిన్న గెటప్స్ లో కనిపించనున్న విషయం తెల్సిందే. అందులో ఒకటి అఘోరా పాత్ర అని ఇప్పటికే కన్ఫర్మేషన్ వచ్చేసింది. బోయపాటి శ్రీను ఈ విషయంలో ధ్రువీకరణ ఇచ్చేసాడు కూడా. ఈ పాత్ర కోసం బాలయ్య ఏకంగా గుండు చేయించుకోవడం విశేషం. థమన్ సంగీత దర్శకుడు. బాలయ్య సరసన నటించనున్న హీరోయిన్స్ విషయంలో ఇంకా క్లారిటీ రావాల్సి ఉంది.
