డాషింగ్ డైరెక్టర్ పూరి జగన్నాధ్ డైలాగ్స్ ఎలా అయితే బుల్లెట్స్ లా ఉంటాయో, సినిమాలు కూడా అంతే స్పీడ్ గా ఉంటాయి. అంతకన్నా స్పీడ్ గా సినిమా షూటింగ్స్ ని కూడా ఫినిష్ చేస్తారు. ప్రస్తుతం ఆయన విజయ్ దేవరకొండతో ‘ఫైటర్(వర్కింగ్ టైటిల్)తో సినిమా చేస్తున్నారు. ఇప్పటికే ఈ సినిమా షూటింగ్ 40% పూర్తయ్యింది.
లాక్ డౌన్ కారణంగా షూటింగ్స్ ఆగిపోయాయి. ప్రస్తుతం ఉన్న పరిస్థితుల్లో ముంబైలో షూటింగ్ కంటిన్యూ చేయడం కష్టం కాబట్టి హైదరాబాద్ లోనే ముంబై సెటప్స్ రీక్రియెట్ చేసి షూటింగ్ ని కొనసాగించాలనుకుంటున్నారు. ఇది పక్కన పెడితే లాక్ డౌన్ మొదలైన టైంలో పూరి మరో కథకి శ్రీకారం చుట్టిన సంగతి మేము ఇదివరకే తెలిపాము.
మాకు అందిన తాజా సమాచారం ప్రకారం.. పూరి జగన్నాధ్ లాక్ డౌన్ టైంలో ఆ కథని డైలాగ్స్ తో సహా పూర్తిగా ఫినిష్ చేశారు. ఫైటర్ లానే ఇది కూడా పూర్తి పాన్ ఇండియా స్థాయి సినిమా అని, ఇందులో ఓ స్టార్ హీరో నటించనున్నారని సమాచారం. ప్రస్తుతం కరణ్ జోహార్ తో సంయుక్తంగా నిర్మిస్తుండడం వలన తదుపరి సినిమాని కూడా ఆయనే నిర్మించే అవకాశం ఉందట. కావున ఇందులో టాలీవుడ్ లేదా బాలీవుడ్ స్టార్ హీరో ఎవరైనా నటించే అవకాశం ఉందని సమాచారం. మీరు పాన్ ఇండియా స్థాయి సినిమాలో పూరి జగన్నాధ్ డైరెక్షన్ లో ఏ తెలుగు స్టార్ హీరో చేస్తే బాగుంటుందనేది కామెంట్స్ లో తెలపండి.
