ప‌వ‌ర్ స్టార్ ప‌వ‌న్ క‌ళ్యాణ్ కొత్త సినిమాకు వ‌కీల్ సాబ్ అంటూ ఆక‌ర్ష‌ణీయ‌మైన టైటిల్ పెట్టింది చిత్ర బృందం. ముందు ఈ సినిమాకు ఈ పేరు ప్ర‌చారంలోకి వ‌చ్చిన‌పుడు.. మ‌హిళ‌ల స‌మ‌స్య‌ల చుట్టూ తిరిగే సినిమాకు ఇలాంటి హీరోయిక్ టైటిల్ పెడ‌తారా అని సందేహాలు నెల‌కొన్నాయి. కానీ తెలుగు నేటివిటీకి త‌గ్గ‌ట్లు, ప‌వ‌న్ అభిమానుల్ని మెప్పించేందుకు క‌థ‌లో మార్పులు చేర్పులు చేసిన చిత్ర బృందం.. హీరో పాత్ర మీదే టైటిల్ కూడా పెట్టింది. ఈ పేరు సూప‌ర్ అని అంటున్నారు సీనియ‌ర్ ర‌చ‌యిత ప‌రుచూరి గోపాల కృష్ణ. ప‌రుచూరి ప‌లుకులు పేరిట యూట్యూబ్ ఛానెల్ పెట్టి సినిమాల విశ్లేష‌ణ అందిస్తున్న ఆయ‌న.. తాజాగా వ‌కీల్ సాబ్ మీద టాపిక్ తీసుకున్నారు.
ప‌వ‌న్ క‌ళ్యాణ్ హీరో పేరు మీద టైటిళ్లు ఉండాల‌ని ప‌ట్టుబ‌ట్టే హీరో కాద‌ని.. ఇందుకు అత‌డి కెరీర్లో ఎన్నో ఉదాహ‌ర‌ణ‌లున్నాయ‌ని.. ఇది మంచి ల‌క్ష‌ణం అని ప‌రుచూరి అన్నారు. గ‌తంలో హీరోలు లాయ‌ర్ పాత్ర‌లు పోషిస్తే.. వారి లాయ‌ర్ ప‌దానికి వారి పేరు కూడా జోడించి టైటిళ్లు పెట్టేవాళ్ల‌ని.. లాయ‌ర్ విశ్వ‌నాథం లాంటి సినిమాలు అందుకు ఉదాహ‌ర‌ణ అని.. కానీ ప‌వ‌న్ మాత్రం త‌న పేరు రానివ్వ‌కుండా లాయ‌ర్ సాబ్ అని పేరుకు ఒప్పుకోవ‌డం మంచి విష‌య‌మ‌ని, సాబ్ అని చేర్చ‌డం ద్వారా టైటిల్‌కు ఆక‌ర్ష‌ణ తెచ్చార‌ని.. ఇలాంటి టైటిల్ పెట్టాల‌ని సూచించిన వాళ్ల‌ను అభినందించాల‌ని ప‌రుచూరి అన్నారు. ఇక పింక్ మ‌హిళ‌ల స‌మ‌స్య‌ల మీద న‌డిచే క‌థ అయినా.. దానికి క‌మ‌ర్షియ‌ల్ హంగులు జోడిస్తే బాగానే ఉంటుంద‌ని.. ప‌వ‌న్ స‌ర‌స‌న హీరోయిన్ని పెట్టి మంచి ప్లేస్మెంట్ పాట‌లు పెట్టినా ఇబ్బంది లేద‌ని.. ఆ పాత్ర‌కు శ్రుతి హాస‌న్‌ను తీసుకోవాల‌నుకోవ‌డం కూడా మంచి నిర్ణ‌య‌మ‌ని అన్నారు ప‌రుచూరి.
