పూరి జగన్నాధ్ కి జనగణమన చిత్రం చేయాలనేది ఎప్పట్నుంచో ఉన్న కల. మహేష్ బాబుతో ఈ చిత్రాన్ని అనౌన్స్ చేసినా కానీ మహేష్ ఎందుకో ఆసక్తి చూపించలేదు. ఆ కథను పెద్ద స్టార్ తో చేస్తేనే బాగుంటుందని పూరి వేరే కథలు చేస్తూ వచ్చాడు. ఇప్పుడు ఫైటర్ చిత్రాన్ని పాన్ ఇండియా సినిమాగా తీస్తున్న పూరి జనగణమన కూడా అలాగే పలు భాషల్లో తీస్తే బాగుంటుందని ఫీల్ అవుతున్నాడు.
కరోనా ఇచ్చిన గ్యాప్ లో ఆ కథకు మరిన్ని మెరుగులు దిద్దిన పూరి ఇప్పుడో అగ్ర హీరో కోసం చూస్తున్నాడు. పూరితో మళ్ళీ చేయడానికి సిద్ధంగానే ఉన్నానని మహేష్ చెప్పినా కానీ ఇప్పట్లో మహేష్ అతనికి దొరకడం కష్టమే.
సర్కారు వారి పాట తర్వాత రాజమౌళితో సినిమా ఉంటుంది కనుక మహేష్ డేట్స్ కోసం కనీసం రెండు, మూడేళ్లయినా ఎదురు చూడాలి. అంతవరకు పూరి ఎదురు చూడకపోవచ్చు కనుక అతని డ్రీం ప్రాజెక్ట్ లో ఎవరు నటిస్తారనేది ఆసక్తి రేకెత్తిస్తోంది.
