బాలీవుడ్‌ హీరోయిన్‌ మలైకా అరోరా తన భర్తకు విడాకులు ఇవ్వక ముందు నుండే అర్జున్‌ కపూర్‌ తో ప్రేమాయణం సాగించింది అనేది బాలీవుడ్‌ మీడియాలో వచ్చిన వార్తలు. ఎప్పుడైతే విడాకులు అధికారికంగా వచ్చాయో అప్పటి నుండి అర్జున్‌ కపూర్‌ తో ఫుల్‌ టైంను గడుపుతూ వస్తుంది. వీరిద్దరు కలిసి వీకెండ్ పార్టీలకు వెళ్లడం నుండి మొదలుకుని విదేశాలకు వెళ్లడం వరకు చేస్తూ వచ్చారు. వీరిద్దరు ఆమద్య కరోనా బారిన పడ్డారు. ఆ సమయంలో కూడా కలిసే ఉన్నట్లుగా హీరోయిన్‌ మలైకా అరోరా పేర్కొంది.
ఇటీవల ఒక జాతీయ మీడియా సంస్థకు ఇచ్చిన ఇంటర్వ్యూలో ఈమె మాట్లాడిన సమయంలో మీకు ఒక వేళ ఛాన్స్‌ వస్తే ఏ నటుడితో కలిసి క్వారంటైన్‌లో ఉండాలని అనుకుంటున్నారు అంటూ ప్రశ్నించగా.. నిజం చెప్పాలంటే నిజ జీవితంలో ఇప్పటికే నేను ఒక నటుడితో క్వారంటైన్‌ లో ఉన్నాను. అతడు చాలా ఎంటర్‌ టైనర్‌. ఎప్పుడు నన్ను ఉత్సాహపర్చుతూ ఉంటాడు. అతడితో నేను ఆనందంగా జీవితాన్ని గడుపుతాను అనిపిస్తుంది. అవకాశం ఉంటే అతడితో జీవితాంతం కూడా నిర్భందంలో ఉండాలని కోరుకుంటున్నట్లుగా అర్జున్‌ కపూర్‌ విషయం ఇండైరెక్ట్‌ గా చెప్పేసింది. వీరిద్దరు పెళ్లి విషయం వచ్చే వరకు ఆసక్తి లేదంటున్నారు. ప్రస్తుతానికి అయితే సహజీవనం సాగిస్తున్నారు.
