నందమూరి కళ్యాణ్ రామ్ హిట్స్, ప్లాప్స్ తో సంబంధం లేకుండా తనదైన శైలిలో సినిమాలు చేసుకుంటూ వెళుతున్నాడు. 118 సినిమాతో సూపర్ హిట్ సాధించినా కానీ ఈ ఏడాది విడుదలైన ఎంత మంచివాడవురా సినిమా నిరాశపరిచింది.
ప్రస్తుతం కొత్త దర్శకుడు వశిష్ఠ తెరకెక్కిస్తున్న భారీ చిత్రంలో నటిస్తున్నాడు. ఈ సినిమా షూటింగ్ ప్రస్తుతం శరవేగంగా సాగుతోంది. ఇదిలా ఉంటే అగ్ర నిర్మాత దిల్ రాజు నిర్మాణంలో కళ్యాణ్ రామ్ ఒక సినిమాను తెరకెక్కించనున్నాడు. దర్శకుడు ఎవరన్నది ఇంకా క్లారిటీ లేదు కానీ ఈ సినిమాకు డూ ఆర్ డై అనే టైటిల్ ను కన్ఫర్మ్ చేశారట. ఈ చిత్ర షూటింగ్ ను త్వరలోనే మొదలుపెట్టి కళ్యాణ్ రామ్ నటిస్తోన్న భారీ చిత్రం కంటే ముందే దీన్ని విడుదల చేయాలన్నది ప్లాన్.
ఈ రెండూ కాకుండా సితార ఎంటర్టైన్మెంట్స్ నిర్మాణంలో కూడా కళ్యాణ్ రామ్ ఒక సినిమాను చేయనున్నాడు. దీనికి సంబంధించిన మరిన్ని వివరాలు త్వరలో తెలుస్తాయి.
