టాలీవుడ్ టు బాలీవుడ్ ఎక్కడ చూసినా కియరానే. ప్రతిచోటా ఈ అమ్మడికి అసాధారణ ఫాలోయింగ్ ఉంది. టాలీవుడ్ లో మెగా ఘట్టమనేని హీరోల అభిమానులంతా కియరాకు అభిమానులుగా మారారు. దీంతో ఈ అమ్మడిని తిరిగి తెలుగు సినీపరిశ్రమకు తీసుకురావాలంటే బోలెడంత డిమాండ్ ఉంటోందట. భరత్ అనే నేను- వినయ విధేయ రామా చిత్రాల తర్వాత ఆఫర్లు వచ్చినా కానీ తెలుగులో నటించలేనంతగా హిందీలో బిజీ అయిపోయింది.
ప్రస్తుతం బాలీవుడ్ లో మోస్ట్ ప్రామిస్సింగ్ బిజీయెస్ట్ హీరోయిన్ గా పాపులరైంది. కిలాడీ అక్షయ్ కుమార్.. సిద్ధార్థ్ మల్హోత్రా లాంటి స్టార్లు వరుసగా ఛాన్సులిస్తున్నారు. ఇక కియరా క్యాట్ వాక్ ఈవెంట్లలో రెగ్యులర్ ఫోటోషూట్లతో చేసే హడావుడి అంతా ఇంతాకాదు.
తాజాగా డెనిమ్ షార్ట్ లో కనిపించి కుర్రకారు మతి చెడగొట్టింది. ఇదిగో ఇలా స్టైలిష్ డిజైనర్ టాప్ .. పొట్టి నిక్కరుతో అలా అలా క్యాట్ వాక్ చేస్తూ గుండెలు కొల్లగొట్టింది. ఆ చేతిలో డిజైనర్ హ్యాండ్ బ్యాగ్ చూశారుగా.. చూసేందుకు అంత సింపుల్ గా ఉన్నా దాని ఖరీదు టూమచ్ గురూ అనేస్తున్నారు. మొత్తానికి కియరా అలా నడిచొస్తుంటే కుర్రాళ్లకు మాత్రం ముచ్చెమటలే. ఈ భామ టాలీవుడ్ లో రీఎంట్రీ ఇస్తే.. ఇక్కడ చరణ్.. బన్ని .. ప్రభాస్ లేదా ఎన్టీఆర్ వంటి స్టార్లతో నటించే అవకాశం ఉందన్న ఊహాగానాలు అయితే సాగుతున్నాయి.
కెరీర్ లో తదుపరి సినిమా రిలీజ్ కోసం వేచి చూస్తోంది. క్రేజీగా తెరకెక్కుతున్న `ఇందూకి జవానీ` లో ఆదిత్య సీల్ సరసన కియరా నాయికగా నటించింది. ఈ కామెడీ-డ్రామాకు అబీర్ సేన్ గుప్తా దర్శకత్వం వహించగా భూషణ్ కుమార్ నిర్మించారు.
