హీరోలు బరువు పెరగడం తగ్గడం పర్వాలేదు. కాని హీరోయిన్ లు బరువు పెరగడం అంటే కాస్త సాహస నిర్ణయమే. సినిమాల కోసం బరువు పెరిగిన హీరోయిన్ లు మళ్లీ స్టార్‌ హీరోయిన్‌లుగా రాణించలేక పోయారు. కొందరు హీరోయిన్ లు పాత్రల కోసం బరువు పెరుగగా మరి కొందరు మాత్రం సహజంగానే బరువు పెరిగారు. చాలా మంది బరువు పెరిగిన తర్వాత ఒకటి రెండు సినిమాలు చేసి పెద్దగా కనిపించకుండా వెళ్లి పోయారు. అనుష్క విషయమే ప్రస్తుతం ప్రత్యక్ష సాక్ష్యంగా చెప్పుకోవచ్చు.
ఆమె ఒక సినిమా కోసం ఏకంగా 20 కేజీల వరకు బరువు పెరిగింది. ఆమె సినిమా తర్వాత మళ్లీ బరువు తగ్గేందుకు తీవ్రంగా ప్రయత్నించింది. కాని సాధ్యం కాలేదు. ఇప్పటికి కూడా అనుష్క మునుపటి రూపంకు రాలేదు. దాంతో చాలా మంది హీరోయిన్స్‌ బరువు పెరగడం అంటే భయపడుతున్నారు. ఇప్పుడు ఒక బాలీవుడ్‌ సినిమా కోసం అత్తారింటికి దారేది రెండవ హీరోయిన్ ప్రణీత బరువు పెరిగేందుకు సిద్దం అయ్యింది. బాలీవుడ్‌ హీరో అజయ్‌ దేవగన్‌ నటిస్తున్న 1971 యుద్దం నేపథ్యంలో సినిమాలో ప్రణీత హీరోయిన్ గా నటిస్తుంది. ఆ సినిమాలో ఈమె రెండు పాత్రల్లో కనిపించబోతుంది. అందులో ఒక పాత్ర కోసం ప్రణీత బరువు పెరగాల్సి ఉందట. అనుష్క విషయం అనుభవం ఉన్న తర్వాత కూడా ఇంకా బరువు పెరగాలని భావించడం సాహస నిర్ణయం అవుతుందని కొందరు ఆమెను హెచ్చరిస్తున్నారు.
