మెగాస్టార్‌ చిరంజీవి ఆచార్య సినిమా షూటింగ్ ప్రస్తుతం ఈస్ట్‌ గోదావరి జిల్లాలో జరుగుతున్న విషయం తెల్సిందే. చిరంజీవితో పాటు చరణ్ కూడా ఈ సినిమా షూటింగ్ లో పాల్గొంటున్నాడు. దర్శకుడు కొరటాల శివ కీలక సన్నివేశాలను చిరు చరణ్ లపై చిత్రీకరిస్తున్నాడు. ఈ సినిమాలో చిరు చరణ్ లు ఎలా కనిపించబోతున్నారు అనే విషయమై గత కొన్ని రోజులుగా మెగా ఫ్యాన్స్ లో ఆసక్తి నెల కొంది. తాజాగా వీరిద్దరి లుక్స్ పై క్లారిటీ వచ్చింది. అక్కడ షూటింగ్ జరుగుతుండగా ఫొటోలు తీసినవి లీక్ అయ్యాయి.
ఆచార్య సినిమా లొకేషన్స్ లో చిరు మరియు చరణ్ లు బ్లాక్ అండ్‌ వైట్‌ పాయింట్ షర్ట్‌ వేసుకోవడంతో పాటు కాస్త అటు ఇటుగా సేమ్‌ మేకప్ తో కనిపిస్తున్నారు. సినిమాలో ఇవే కాస్ట్యూమ్స్ లో కనిపించబోతున్నారా లేదంటే కొత్తగా ఏమైనా కనిపించబోతున్నారా అనేది ప్రస్తుతం ఆసక్తికరంగా మారింది. కొరటాల శివ దర్శకత్వంలో రూపొందుతున్న ఈ సినిమా పై అంచనాలు ఆకాశాన్ని తాకేలా ఉన్నాయి. మెగాస్టార్‌ చిరు మరియు చరణ్ లు మొదటి సారి ఒక పూర్తి స్థాయి సినిమాను కలిసి చేస్తున్నారు. కనుక సినిమా రికార్డుల వర్షం కురిపించడం ఖాయం అంటున్నారు.
