నాగ చైతన్య హీరోగా సాయి పల్లవి హీరోయిన్ గా శేఖర్‌ కమ్ముల దర్శకత్వంలో రూపొందిన లవ్ స్టోరీ సినిమా విడుదలకు సిద్దం అయ్యింది. ఈ సినిమా నుండి రెండు వారాల క్రితం వచ్చిన సారంగదరియా సాంగ్‌ యూట్యూబ్ లో సెన్షేషనల్ వ్యూస్ ను దక్కించుకుంది. ఈ పాట తనది అంటూ కోమలి మొదలు పెట్టిన వివాదం కూడా ఈ పాటకు కలిసి వచ్చింది. సమంత చేతుల మీదుగా రెండు వారాల క్రితం విడుదల అయిన సారంగదరియా పాట కేవలం 14 రోజుల్లో 50 మిలియన్‌ల వ్యూస్ ను సొంతం చేసుకుని సౌత్‌ ఇండియాలో అతి స్పీడ్‌ గా 50 మిలియన్ల వ్యూస్ ను దక్కించుకున్న పాటగా నిలిచింది.

గతంలో ధనుష్‌, సాయి పల్లవి ల రౌడీ బేబీ పాట 8 రోజుల్లో 50 మిలియన్‌ ల వ్యూస్ ను దక్కించుకుంది. ఇప్పుడు సారంగదరియా సాంగ్ 14 రోజుల్లో 50 మిలియన్‌ లను దక్కించుకుంది. అల వైకుంఠపురంలో చిత్రంలోని బుట్ట బొమ్మ సాంగ్ 50 మిలియన్ ల వ్యూస్ ను దక్కించుకునేందుకు 18 రోజులు పట్టగా, రాములో రాముల పాట 27 రోజులకు 50 మిలియన్ల వ్యూస్ ను రాబట్టింది. తెలుగులో అత్యంత స్పీడ్‌ గా 50 మిలియన్‌ల వ్యూస్ ను రాబట్టిన పాటగా సారంగదరియా నిలిచింది.