పవన్ కళ్యాణ్‌ హీరోగా వేణు శ్రీరామ్ దర్శకత్వంలో దిల్ రాజు నిర్మించిన వకీల్ సాబ్ సినిమా షూటింగ్ విడుదలకు ముస్తాబు అయ్యింది. భారీ అంచనాల నడుమ రూపొందిన వకీల్ సాబ్ లో కేవలం మూడు పాటలే ఉన్నాయి. ఇప్పటికే ఆ మూడు పాటలు వచ్చేశాయి. ఇప్పుడు కొత్తగా మరో పాటను ట్యూన్‌ చేస్తున్నట్లుగా సమాచారం అందుతోంది. థమన్ వకీల్ సాబ్ కోసం ఒక ప్రమోషనల్ సాంగ్ ను రెడీ చేస్తున్నాడట. సినిమాకు ఇది సంబంధం లేకుండా ఉంటుందని అంటున్నారు.
సినిమా కమర్షియల్‌ ఎలిమెంట్స్ విషయమై శృతి హాసన్ పాత్రను క్రియేట్‌ చేయడం జరిగింది. ఇప్పుడు పవన్ సినిమా క్రేజ్ ను మరింతగా పెంచేందుకు గాను వకీల్ సాబ్ కోసం ప్రమోషనల్ సాంగ్ ను ట్యూన్‌ చేయిస్తున్నారు. ఈ పాటను వచ్చ వారంలో చిత్రీకరించబోతున్నారు. పవన్ అభిమానులు మరియు చిత్రంలో నటించిన నటీనటులు కూడా ఈ పాటలో కనిపించే అవకాశం ఉందంటున్నారు. పవన్ ను కూడా ఒక్క రోజు షూటింగ్ కు తీసుకు వచ్చేలా ప్లాన్‌ చేస్తున్నారు. మొత్తానికి ఈ ప్రమోషనల్ సాంగ్ సినిమాపై అంచనాలు పెంచే విధంగా ఉంటుందని అంటున్నారు.
