పవన్ కళ్యాణ్‌ వకీల్ సాబ్ ట్రైలర్ యూట్యూబ్‌ లో క్రియేట్‌ చేస్తున్న రికార్డులు చూస్తుంటే సినిమా పై అంచనాలు ఎంతగా ఉన్నాయో అర్థం చేసుకోవచ్చు. పవన్ కళ్యాన్‌ మూడు సంవత్సరాల తర్వాత వస్తున్న సినిమా అవ్వడం వల్ల సహజంగానే అంచనాలు ఆకాశాన్ని తాకేలా ఉంటాయి. అంచనాలకు ఏమాత్రం తగ్గకుండా ఈ సినిమా ఉంటుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. ప్రస్తుతం సినిమా పై ఆకాశమే హద్దు అన్నట్లుగా ఉన్న అంచనాలను దిల్‌ రాజు మరింత పెంచేశాడు.
తాజాగా ట్రైలర్ విడుదల సందర్బంగా దిల్‌ రాజు మాట్లాడుతూ ఏప్రిల్‌ 9వ తారీకున లంచ్‌ మరియు డిన్నర్ కు సిద్దంగా ఉండండి. మీ ముందుకు వింధు భోజనం మాదిరిగా వకీల్ సాబ్ రాబోతుంది అంటూ దిల్‌ రాజు ఆసక్తికర వ్యాఖ్యలు చేశాడు. ఈ సినిమా పవన్ అభిమానులతో పాటు అన్ని వర్గాల వారికి నచ్చే విధంగా ఉంటుందని అంటున్నారు. పవన్ కళ్యాణ్‌ కోర్టు సీన్‌ లో అద్బుతంగా నటించాడని.. ఆ సీన్స్ సూపర్‌ గా ఉంటాయని ట్రైలర్ ను బట్టి అర్థం అవుతోంది.
