యంగ్‌ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో రూపొందుతున్న సలార్ సినిమాపై అంచనాలు ఆకాశాన్ని తాకేలా ఉన్నాయి. ఇటీవలే ఈ సినిమాలో ప్రభాస్ కు సోదరి పాత్రలో సీనియర్ హీరోయిన్ రమ్యకృష్ణ నటించబోతున్నట్లుగా వార్తలు వచ్చాయి. బాహుబలి సినిమాలో ప్రభాస్ కు తల్లిగా నటించిన ఆమె ఈ సినిమాలో సోదరిగా నటిస్తే ఏం బాగుంటుందనే కామెంట్స్ వచ్చాయి. దాంతో మేకర్స్ నిర్ణయాన్ని మార్చుకున్నట్లుగా ఉన్నారు. రమ్యకృష్ణను కాకుండా మరో సీనియర్ హీరోయిన్ ను ఖరారు చేశారు.
టాలీవుడ్ వర్గాల ద్వారా అందుతున్న సమాచారం ప్రకారం సలార్ సినిమాలో ప్రభాస్ కు సోదరి పాత్రలో జ్యోతికను ఎంపిక చేసినట్లుగా తెలుస్తోంది. జ్యోతిక తెలుగు లోనే కాకుండా తమిళం మరియు ఇతర సౌత్‌ భాషల్లో కూడా మంచి గుర్తింపును దక్కించుకుంది. అందుకే సలార్ లో ఆమె ఉండటం వల్ల పాన్ ఇండియా అప్పీల్‌ కూడా దక్కుతుందనే నమ్మకంను మేకర్స్ వ్యక్తం చేస్తున్నారు. అందుకే సలార్ సినిమా లో ప్రభాస్ కు సోదరి పాత్రను జ్యోతికతో చేయించబోతున్నారు. ప్రభాస్ ద్విపాత్రాభినయం చేయబోతున్న ఈ సినిమాలో జ్యోతిక ఒక పాత్రకు సోదరిగా కనిపించబోతుంది. వచ్చే ఏడాది రాబోతున్న ఈ సినిమా కేజీఎఫ్‌ ను మించి ఉంటుందని అంటున్నారు.
