బాలీవుడ్‌ స్టార్‌ హీరో అక్షయ్‌ కుమార్‌ తాజాగా ఒక ఇంటర్వ్యూలో ఆసక్తి వ్యాఖ్యలు చేశాడు. తన మొదటి ప్రేమ విషయమై ఆయన చేసిన వ్యాఖ్యలు ప్రస్తుతం వైరల్‌ అవుతున్నాయి. తాను చాలా సంవత్సరాల క్రితం ఒక అమ్మాయిని ప్రేమించాను. ఆ అమ్మాయితో సినిమాలకు వెళ్లడం, డేటింగ్ కు వెళ్లడం చేశాను. అదే నా మొదటి ప్రేమ. ఇద్దరం చాలా ప్రేమించుకున్నాం. కాని నేను ఒక్క సారి కూడా ఆమెను తాకేందుకు ప్రయత్నించలేదు. ఎన్నో సందర్బాల్లో మేము ఇద్దరం బయటకు వెళ్లినా కూడా ఆమెతో చనువుగా ఉండేందుకు ప్రయత్నించలేదు.
నేను ముద్దు పెట్టుకోక పోవడంతో ఆమెకు అనుమానం వచ్చింది. ఆ కారణంగానే నన్ను వదిలేసింది. నేను ముద్దులు పెట్టుకోక పోవడం వల్ల ప్రేమ లేదేమో అనే అనుమానం ఆమెకు కలిగింది. ఆ సమయంలో నాకు ప్రేమపై ఉన్న ఫీలింగ్‌ ఆమె అర్థం చేసుకోకుండా నాకు బ్రేకప్ చెప్పిందని అక్షయ్‌ కుమార్‌ చెప్పుకొచ్చాడు. అక్షయ్‌ కుమార్‌ లవ్‌ స్టోరీ ప్రస్తుతం బాలీవుడ్‌ వర్గాల్లో మరియు సోషల్‌ మీడియాలో చర్చనీయాంశం అయ్యింది. ఆ బ్రేకప్ చెప్పింది ఎవరు అంటూ చాలా మంది ప్రశ్నిస్తున్నారు.
