లాక్ డౌన్ టైంలో సొంత ఊరిలో కూర్చుని ఎఫ్3 స్క్రిప్ట్ సిద్ధం చేసేసాడు అనిల్ రావిపూడి. షూటింగ్స్ మొదలైతే జులై నుంచి షూటింగ్ మొదలు పెట్టి సంక్రాంతికి సిద్ధం చేసేద్దాం అనుకున్నాడు. కానీ వెంకటేష్ కి ఇప్పుడే షూటింగ్ మొదలు పెట్టే ఉద్దేశం లేదు. కరోనా విజృంభిస్తున్న టైంలో తొందర ఏముందని వచ్చే ఏడాది చూద్దాం అని వెంకీ చెప్పేశారట.
ఇంకా వెంకటేష్ సినిమా నారప్ప షూటింగ్ పూర్తి కాలేదు. అలాగే రానా దగ్గుబాటి పెళ్లి కూడా ఇదే ఏడాదిలో ఉంటుంది. అందుకే ఈ టైంలో హడావుడి షూటింగ్స్ ఏమీ వెంకటేష్ పెట్టుకోవడం లేదు. సరిలేరు నీకెవ్వరు హిట్టయినా కానీ రావిపూడికి అగ్ర హీరోల డేట్స్ దొరకలేదు. దాంతో ఎఫ్2 సీక్వెల్ చేయడానికి ఉపక్రమించాడు.
అయితే చాలా మంది ప్లాన్స్ అప్సెట్ చేసిన కరోనా రావిపూడి ప్రయత్నాలపై కూడా నీళ్లు చల్లేసింది. మరి ఈ సినిమా మొదలు పెట్టే వరకు వేచి చూస్తాడో, లేక మరేదైనా ప్రాజెక్ట్ ట్రాక్ ఎక్కిస్తాడో చూడాలి.
