హీరోలకు సమానంగా పేరు ప్రఖ్యాతలు సంపాదించుకుంది అనుష్క శెట్టి. కేవలం తన ఇమేజ్ తోనే సూపర్ హిట్ అయిన సినిమాలు ఉన్నాయి. ఈ మధ్య కాలంలో అనుష్క శెట్టి సినిమా, సినిమాకు బ్రేక్ బాగానే తీసుకుంటోంది. గతేడాది వచ్చిన నిశ్శబ్దం తర్వాత మళ్ళీ మరో సినిమా చేయలేదు అనుష్క.
మరోసారి యూవీ క్రియేషన్స్ బ్యానర్ లో అనుష్క సినిమా చేయబోతోంది. జాతిరత్నాలు ఫేమ్ నవీన్ పోలిశెట్టి హీరోగా అనుష్క సినిమా త్వరలో పట్టాలెక్కనుంది. దీనికి సంబంధించిన అధికారిక ప్రకటన త్వరలో రానుంది. ఇదిలా ఉంటే అనుష్క పెళ్లి రూమర్స్ మరోసారి షికార్లు చేస్తున్నాయి.
గతంలోనూ అనుష్క పెళ్ళికి సంబంధించిన రూమర్స్ వచ్చాయి కానీ ఈసారి దుబాయ్ కు చెందిన బడా వ్యాపారవేత్తతో అనుష్క పెళ్లి జరగనుందని తెలుస్తోంది. తనకంటే తక్కువ ఎత్తు, వయసులో కూడా చిన్నవాడట. మరి ఈసారైనా అనుష్క పెదవి విప్పుతుందేమో చూడాలి.
