తెలుగు బుల్లి తెరపై సూపర్‌ హిట్‌ అయిన బిగ్ బాస్ షో ద్వారా ప్రేక్షకులకు మరింత దగ్గర అయిన ముద్దుగుమ్మ అరియానా ప్రస్తుతం బిజీగా మారిపోయింది. గతంలో యూట్యూబ్‌ కార్యక్రమాలకు యాంకర్‌ గా చిన్న చిన్న షోల్లో యాంకర్‌ గా కనిపించిన అరియానా ఇకపై హీరోయిన్‌ గా మాత్రమే నటించాలని భావిస్తుందట. ఆ విషయమై ఇప్పటికే ఆమె నిర్ణయం తీసుకుందని అంటున్నారు. చిన్న చిన్న షో లను పూర్తిగా వదిలేసి సినిమాల్లో బిజీ అవ్వాలని ప్రయత్నాలు చేస్తున్న అరియానా అందుకు సంబంధించిన ప్రయత్నాలు ప్రారంభించింది.
రామ్‌ గోపాల్ వర్మ దర్శకత్వంలో ఈ అమ్మడు ఒక సినిమా చేసే అవకాశంను దక్కించుకుందట. ఇటీవల గోవాలో రామ్‌ గోపాల్ వర్మను కలిసిన ఈ అమ్మడు ఒక సినిమా కమిట్‌ అయ్యింది. త్వరలోనే వీరి కాంబో మూవీ వస్తుందని అంటున్నారు. త్వరలోనే వీరి కాంబో సినిమాను ప్రేక్షకులు చూసే అవకాశం ఉంది. ఆ సినిమా ఫలితం ఎలా ఉన్నా వెండి తెరపైనే ఆమె కొనసాగాలని భావిస్తుంది. ఎంతో మంది బుల్లి తెరపై కనిపించాలని కోరుకుంటున్నారు. సినిమాలు వస్తున్నా కూడా కొందరు బుల్లి తెరపై ఎక్కువగా ఆసక్తి చూపిస్తున్నారు. ఇలాంటి సమయంలో అరియానా బుల్లి తెరకు నో చెప్పడం ఆమె తల బిరుసు అంటూ విమర్శలు వ్యక్తం చేస్తున్నారు.
