తెలుగు బుల్లి తెర ప్రేక్షకులకు చిన్నారి పెళ్లి కూతురుగా.. వెండి తెర ప్రేక్షకులకు ఉయ్యాల జంపాల హీరోయిన్ గా సుపరిచితురాలైన అవికా గౌర్‌ ప్రస్తుతం సినిమాల్లో మరియు బుల్లి తెరపై వరుసగా సినిమాలు సీరియల్స్‌ షో లు చేయడంతో పాటు వెబ్‌ సిరీస్ ఆఫర్ల కోసం కూడా వెయిట్‌ చేస్తుంది. ఇంత బిజీగా ఉన్న అవికా గౌర్‌ కు నటుడు మనీష్ రాయ్‌ సింఘన్‌ తో ప్రేమ వ్యవహారం ఉందంటూ వార్తలు వస్తున్నాయి. సుదీర్ఘ కాలంగా వీరిద్దరి మద్య సన్నిహిత సంబంధాలు కొనసాగుతున్నాయి.
ఇటీవల ఒక చిట్ చాట్ లో మనీష్ గురించి అవికా షాకింగ్ కామెంట్స్ చేసింది. అతడితో నాకు 14 ఏళ్లు ఉన్నప్పటి నుండి పరిచయం ఉంది. అప్పటి నుండి కూడా మేము ఇద్దరం చాలా క్లోజ్‌ గానే ఉన్నాం. అంత మాత్రాన ఆయనతో సంబంధం ఉందని ఎలా ప్రచారం చేస్తారంటూ అవికా ప్రశ్నించింది. ఆయన వయసు నా వయసు కంటే 18 ఏళ్లు ఎక్కవు. మా నాన్న వయసు కంటే కాస్త తక్కువ. అలాంటి వ్యక్తితో ప్రేమ వ్యవహారం అంటూ ఎలా ప్రచారం చేస్తారు. ఆయినా నా తండ్రి వయసు వ్యక్తితో ఎలా నేను పిల్లలను కంటాను.. వారిని దాచి పెడతాను అంటూ చిరాకు వ్యక్తం చేస్తోంది.
