బాలకృష్ణ హోస్ట్ గా ఆహా ఓటీటీ లో స్ట్రీమింగ్ అవుతున్న అన్ స్టాపబుల్ టాక్ షో సూపర్ హిట్ టాక్ ను దక్కించుకుని దూసుకు పోతుంది. ఈ వారం రానా తో బాలయ్య సందడి చేస్తున్నాడు. ప్రతి వారం కూడా టాలీవుడ్ స్టార్స్ ను రంగంలోకి దించుతున్న బాలయ్య తాజాగా విజయ్ దేవరకొండ తో ఎపిసోడ్ షూట్ పూర్తి చేశాడు. లైగర్ చిత్ర యూనిట్ సభ్యులు బాలయ్య తో సాగించిన ఆట పాట మాటలు ఎపిసోడ్ ను మస్త్ ఎంటర్ టైన్మెంట్ తో ముంచెత్తినట్లుగా టాక్ వినిపిస్తుంది. విజయ్ దేవరకొండ సాదారణంగానే చాలా చిల్ గా ఉంటాడు. అలాంటి రౌడీ స్టార్ తో బాలయ్య ఎలాంటి విషయాలు చెప్పించాడు.. బాలయ్య వద్ద రౌడీ స్టార్ ఏ విషయాలను మాట్లాడాడు అనేది ఆసక్తికరంగా మారింది. చాలా రోజులుగా అన్ స్టాపబుల్ లో విజయ్ దేవరకొండ అన్నారు.. ఎట్టకేలకు అధికారికంగా ఫొటో రిలీజ్ అవ్వడంతో క్లారిటీ వచ్చింది.
విజయ్ దేవరకొండ అన్ స్టాపబుల్ ఎపిసోడ్ షూటింగ్ పూర్తి అయ్యింది. కొన్ని వారాల ముందుగానే మహేష్ బాబు అన్ స్టాపబుల్ ఎపిసోడ్ ను కూడా చిత్రీకరించారు. మహేష్ బాబు ఎపిసోడ్ ను అలా వాయిదా వేస్తూ వస్తున్నారు. ఒక మంచి సందర్బం కోసం వెయిట్ చేస్తున్న ఆహా వారు సంక్రాంతికి ఖచ్చితంగా స్ట్రీమింగ్ చేస్తారనే నమ్మకంతో మహేష్ బాబు అభిమానులు వెయిట్ చేస్తున్నారు. కాని పరిస్థితి చూస్తుంటే సంక్రాంతికి విజయ్ దేవరకొండ ఎపిసోడ్ ను స్ట్రీమింగ్ చేసే అవకాశాలు ఉన్నాయి అనిపిస్తుంది. ఎందుకంటే బాలయ్య గెటప్ ను చూస్తుంటే పండుగ వాతావరణం కనిపిస్తుంది. అంటే పంచె కట్టులో ఒక తెలుగు పెద్దగా బాలయ్య కనిపిస్తున్నాడు. అందుకే సంక్రాంతి స్పెషల్ గా విజయ్ దేవరకొండ ఎపిసోడ్ స్ట్రీమింగ్ అయ్యే అవకాశాలు ఉన్నాయంటున్నారు.
సంక్రాంతి పండుగ సెలబ్రేట్ చేస్తూ విజయ్ దేవరకొండతో టాక్ షో థీమ్ ను డిజైన్ చేసినట్లుగా వార్తలు వస్తున్నాయి. అసలు విషయం ఏంటీ అనేది మాత్రం ఇంకా క్లారిటీ రావాల్సి ఉంది. బాలయ్య మరియు విజయ్ దేవరకొండల కాంబోలో అన్ స్టాపబుల్ ఎపిసోడ్ కూడా ఖచ్చితంగా అన్ స్టాపబుల్ అన్నట్లుగా ఉంటుందనే నమ్మకంను ఓటీటీ ప్రేక్షకులు వ్యక్తం చేస్తున్నారు. ఇప్పటికే ఆహా ఓటీటీ తెలుగు వారికి చాలా దగ్గర అయ్యింది.
ఇలాంటి సమయంలో ఇద్దరు టాలీవుడ్ స్టార్స్ అయిన మహేష్ బాబు మరియు రౌడీ స్టార్ విజయ్ దేవరకొండలు అన్ స్టాపబుల్ లో రాబోతున్న నేపథ్యంలో మరింత గా ఆహా ప్రేక్షకులకు చేరువ అవ్వడం ఖాయం అంటూ విశ్లేషకులు అభిప్రాయం వ్యక్తం చేస్తున్నారు. మరి కొన్ని రోజుల్లో అన్ స్టాపబుల్ మొదటి సీజన్ ను ముగించే అవకాశాలు ఉన్నాయనే వార్తలు వస్తున్నాయి. కాని బాలయ్య అభిమానులు.. సినీ ప్రేమికులు బ్యాక్ టు బ్యాక్ అన్ స్టాపబుల్ ఎపిసోడ్స్ స్ట్రీమింగ్ అవ్వాల్సిందే అంటూ కోరుకుంటున్నారు. మరి ఆహా టీమ్ మరియు బాలయ్య నిర్ణయం ఏంటీ అనేది అధికారికంగా క్లారిటీ రావాల్సి ఉంది.
