ప్రస్తుతం తెలుగు రాష్ట్రాల్లోని బుల్లితెర ప్రేక్షకులు బాగా ఎంజాయ్ చేస్తున్న రియాలిటీ షో ‘బిగ్ బాస్ తెలుగు 4’. గత వారం కుమార్ సాయి ఎలిమినేటి అవ్వడంతో ప్రస్తుతం 12 మంది కంటెస్టెంట్ లతో షో సాగుతోంది. ఇప్పుడు అసలు విషయంలోకి వస్తే.. బిగ్ బాస్ లో హోస్ట్ మారనున్నాడా? అంటే అవుననే అంటున్నాయి బిగ్ బాస్ సన్నిహిత వర్గాలు.
అలా అని పూర్తి సీజన్ కి హోస్ట్ ని మార్చడం లేదు.. సీజన్ కి నాగార్జుననే హోస్ట్ గా ఉంటారు. కానీ ప్రస్తుతం నాగరాజును తన యాక్షన్ థ్రిల్లర్ వైల్డ్ డాగ్ షూటింగ్ లో భాగంగా మనాలిలో ఉన్నారు. అది పూర్తి చేసుకొని వీకెండ్ కి రావడం చాలా కష్టంగా కనిపిస్తుండడంతో ఈ వారం గెస్ట్ హోస్ట్ తో వెళ్లాలనే ఆలోచనలో ఉన్నారట. అందుకోసం స్టార్ పవర్ ఉన్న యాక్టర్ ని ఫిక్స్ చేసే పనిలో బిగ్ బాస్ బృందం ఉందట.
ఇలా చేయడం కొత్తేమీ కాదు.. గత సీజన్ లో కూడా ఇలాంటి సందర్భమే వచ్చినప్పుడు ఒక వారం రమ్యకృష్ణ హోస్ట్ గా వ్యవహరించి అందరినీ ఆకట్టుకుంది. సేమ్ టు సేమ్ అలానే ఈ వీక్ కూడా జరగనుందని సమాచారం. కానీ హోస్ట్ ఎవరనేది తేలాల్సి ఉంది.
