కోవిడ్ సమయంలో మెగాస్టార్ చిరంజీవి ఎంతో మందికి తనవంతుగా సహాయం అందిస్తూ వస్తున్నాడు. ఆర్ధికంగా ఎంతో మందిని ఆదుకున్న చిరంజీవి ఇప్పుడు రెండు తెలుగు రాష్ట్రాల్లో ప్రతీ జిల్లాలో ఆక్సిజన్ ప్లాంట్ ను ఏర్పాటు చేస్తున్నట్లు ప్రకటించిన విషయం తెల్సిందే. ఈ విషయంపై అందరూ సంతోషం వ్యక్తం చేసారు.
ఇదిలా ఉంటే చిరంజీవి ఆక్సిజన్ ప్లాంట్ ఇప్పుడు కర్ణాటకలో ప్రారంభమైంది. కర్ణాటక – చింతామణిలో అఖిల భారత చిరంజీవి యువత వర్కింగ్ ప్రెసిడెంట్ ఆధ్వర్యంలో చిరంజీవి ఆక్సిజన్ బ్యాంక్ ఈరోజు ప్రారంభమైంది.
అఖిల భారత చిరంజీవి యువత ఈ విషయాన్ని సోషల్ మీడియా ద్వారా పంచుకున్నారు. రెండు తెలుగు రాష్ట్రాల్లో కూడా వివిధ ఆక్సిజన్ బ్యాంక్ లు త్వరలోనే ప్రారంభమవుతాయని తెలుస్తోంది. ఇప్పటికే సోను సూద్ కూడా ఆక్సిజన్ ప్లాంట్ లు నెలకొల్పాలని నిర్ణయం తీసుకున్న విషయం తెల్సిందే.
