మెగాస్టార్ చిరంజీవి ప్రస్తుతం ఆచార్య సినిమాలో నటిస్తున్నాడు. ఆ సినిమా తర్వాత లూసీఫర్‌ రీమేక్ లో నటించబోతున్న విషయం తెల్సిందే. ఆ తర్వాత వేదాళం రీమేక్ లో నటించాల్సి ఉంది. ఈ మూడు సినిమాలు మాత్రమే కాకుండా జై లవకుశ ఫేం బాబీ దర్శకత్వంలో కూడా చిరంజీవి ఒక సినిమాను చేయబోతున్నట్లుగా వార్తలు వచ్చాయి. ఇటీవలే ఒక ఫొటోను షేర్‌ చేయడం ద్వారా చిరంజీవి బాబీ దర్శకత్వంలో నటించబోతున్నట్లుగా హింట్ ఇచ్చాడు. ఇప్పుడు మరోసారి చిరు బాబీల కాంబో మూవీ కన్ఫర్మ్ అయ్యింది.
చిరంజీవి తో బాబీ చేయబోతున్న సినిమా గురించి ఉప్పెన సినిమా ప్రీ రిలీజ్ వేడుకలో మాట్లాడటం జరిగింది. మైత్రి మూవీ మేకర్స్ బ్యానర్‌ లో తాను సినిమా చేయబోతున్నాను. బాబీ దర్శకత్వంలో రూపొందబోతున్న ఆ సినిమా గురించి ఎక్కువ విషయాలు చెప్పలేను అన్నాడు. త్వరలోనే మైత్రి వారి బ్యానర్‌ లో సినిమా ప్రారంభం అవ్వబోతున్నట్లుగా మాత్రం మెగా వర్గాల ద్వారా తెలుస్తోంది. యంగ్‌ స్టార్స్ నుండి మొదలుకుని సీనియర్ల వరకు వరుసగా సినిమాలు చేస్తున్న మైత్రి వారు మెగాస్టార్ తో సినిమాకు ఏర్పాట్లు చేస్తున్నట్లుగా ఉప్పెన ద్వారా అధికారికంగా క్లారిటీ వచ్చేసింది.
