వెబ్ సిరీస్ లు రాజ్యమేలుతున్న రోజులివి. మొదట్లో చిన్న నటులు చేసే ఈ వెబ్ సిరీస్ లు ఇప్పుడు సినిమా వాళ్ళు చేసే స్థాయికి ఎదిగాయి. సినిమాలు తీయడం కన్నా వెబ్ సిరీస్ లు అయితే ఎక్కువ ఫ్రీడమ్ ఉంటోందని దర్శకులు, రచయితలు కూడా అనుకుంటున్నారు. నిర్మాతలకు కూడా ఈ విషయంలో లాభసాటిగా మారింది. ఈ నేపథ్యంలో ఇండియాలో కూడా వెబ్ సిరీస్ లు పెరిగాయి. దీనికి సెన్సార్ లేకపోవడంతో బోల్డ్ సబ్జెక్ట్స్ చెప్పడానికి వెబ్ సిరీస్ మేకర్స్ కు ఫ్రీడమ్ దొరికినట్లయింది.
ఇలాంటి నేపథ్యంలో వచ్చిన వెబ్ సిరీస్ లస్ట్ స్టోరీస్. కొన్నేళ్ల క్రితమే వెబ్ సిరీస్ గా వచ్చిన లస్ట్ స్టోరీస్ లో కియారా అద్వానీ, రాధికా ఆప్టే లాంటి నటీనటులు నటించారు. కరణ్ జోహార్ వంటి వారు దర్శకత్వం వహించారు. ఈ వెబ్ సిరీస్ లో కియారా అద్వానీ రోల్ పై పెద్ద చర్చే నడిచింది. బోల్డ్ నెస్ కు పరాకాష్టగా నిలిచింది వెబ్ సిరీస్.
ఇప్పుడు ఈ వెబ్ సిరీస్ ను తెలుగులో తీస్తున్నారు. ఒక వెర్షన్ కోసం ఘాజీ ఫేమ్ సంకల్ప్ రెడ్డి దర్శకత్వం వహించాడు. ఆ ఎపిసోడ్ లో ఈషా రెబ్బ హీరోయిన్ గా నటించింది. లస్ట్ స్టోరీస్ తెలుగు రీమేక్ త్వరలో విడుదల కాబోతోంది. ఈ వెబ్ సిరీస్ గురించి ఈషా రెబ్బ స్పందించింది. తన రోల్ బోల్డ్ గా ఉంటుంది కానీ స్కిన్ షో అసలు ఉండదని క్లారిటీ ఇచ్చింది. గ్లామర్ విషయంలో హద్దులు దాటకుండానే బోల్డ్ నెస్ ను చూపించారని తెలిపింది.
