సూపర్ స్టార్ మహేష్ బాబు నటిస్తోన్న తాజా చిత్రం సర్కారు వారి పాట. ఈ సినిమా షూటింగ్ ఇటీవలే మొదలైన విషయం తెల్సిందే. ప్రస్తుతం దుబాయ్ లో ఈ సినిమా షూటింగ్ సాగుతోంది. మహేష్ సరసన ఈ సినిమాలో కీర్తి సురేష్ కథానాయికగా నటిస్తోంది.
అయితే షూటింగ్ స్పాట్ నుండి పిక్స్ లీక్ అవ్వడం సాధారణ విషయమే. ఈ నేపథ్యంలో సర్కారు వారి పాట షూటింగ్ స్పాట్ లో కీర్తి సురేష్ పిక్ లీకైంది. కీర్తి షాట్ కోసం రెడీ అవుతున్నట్లుగా ఈ పిక్ చూస్తే అర్ధమవుతోంది. ఆమె చీరలో ఉంది. లుక్ కూడా ఆకట్టుకునేలా ఉంది.
దుబాయ్ లో ప్రస్తుతం కొనసాగుతున్న షెడ్యూల్ ఫిబ్రవరి చివరి వారం వరకూ ఉండే అవకాశాలు ఉన్నాయి. ఎస్ ఎస్ థమన్ ఈ సినిమాకు సంగీతం అందిస్తున్నాడు. 14 రీల్స్ ప్లస్, మైత్రి మూవీ మేకర్స్, జిఎంబి ఎంటర్టైన్మెంట్స్ ఈ చిత్రాన్ని సంయుక్తంగా నిర్మిస్తున్నాయి. పరశురామ్ సర్కారు వారి పాటను తెరకెక్కిస్తున్నాడు.
